http://mas.lne.es/asturiano L'espaciu de la llingua asturiana http://mas.lne.es/asturiano http://mas.lne.es/asturiano/index.php?seccion=noticia&id=142 http://mas.lne.es/asturiano/index.php?seccion=noticia&id=141 http://mas.lne.es/asturiano/index.php?seccion=noticia&id=140 http://mas.lne.es/asturiano/index.php?seccion=noticia&id=139 http://mas.lne.es/asturiano/index.php?seccion=noticia&id=138 http://mas.lne.es/asturiano/index.php?seccion=noticia&id=137 http://mas.lne.es/asturiano/index.php?seccion=noticia&id=136 http://mas.lne.es/asturiano/index.php?seccion=noticia&id=135 http://mas.lne.es/asturiano/index.php?seccion=noticia&id=134 http://mas.lne.es/asturiano/index.php?seccion=noticia&id=133 http://mas.lne.es/asturiano/index.php?seccion=noticia&id=132 http://mas.lne.es/asturiano/index.php?seccion=noticia&id=131 nigru, llocu > llucu), o el neutru asturianu (xente cansao, agua roxo), que nesti tiempu aparecen esporádicamente nos textos lliterarios. La perda de la -d- intervocálica (cansá, partía, mou, maera...), un rasgu extendíu nel dialectu central, na mitá centru meridional d'Asturies, suel quedar limitada na lliteratura a la perda nes terminaciones -íu, -áu (perdíu, prau...) y los sos plurales. ]]> http://mas.lne.es/asturiano/index.php?seccion=noticia&id=130 http://mas.lne.es/asturiano/index.php?seccion=noticia&id=129 http://mas.lne.es/asturiano/index.php?seccion=noticia&id=128 http://mas.lne.es/asturiano/index.php?seccion=noticia&id=127 http://mas.lne.es/asturiano/index.php?seccion=noticia&id=126 http://mas.lne.es/asturiano/index.php?seccion=noticia&id=125 Lletres Lliterariu, 1 Ésta ye, al mesmu tiempu, la publicación más veterana de la lliteratura asturiana y la más nueva. En mayu de 1983, coincidiendo col IV Día de les Lletres Asturianes, l'Academia de la Llingua Asturiana sacaba'l númberu 6 de la revista «Lletres Asturianes», dedicáu enteramente a la creación lliteraria. D'entós p'acá, puntual a la cita de les Lletres, cada mayu l'Academia asoleyaba un especial lliterariu. Sicasí, en mayu de 2009, la entrega varió: l'especial de Lletres independízase y pasa a llamase «Lletres Lliterariu», anunciando un númberu añal cada primavera. Por eso dicimos que ye la más veterana y la más nueva de les revistes. Mantién el formatu de «Lletres Asturianes», el papel y el diseñu interior, con cambios mínimos (tipografía del nome, una banda ilustrada de lletres) na cubierta. Ye'l númberu del XXX Día de les Lletres Asturianes, que se celebró'l 8 de mayu de 2009. Si aquellos especiales marcaron el pulsu de la lliteratura que se fexo n'asturianu nestes tres décades, «Lletres Lliterariu» hereda'l testigu y sigue per esi camín. Ilustráu por Ástur Paredes con semeyes de peslleres, el so conteníu lliterariu preséntase ordenáu en cuatro estayes: poemes, prosa, tornes y teatru. Al frente de too ello va un breve y emotivu poema de Nené Losada, «L'amor», qu'acababa de finar pocos meses enantes, y que repite con más poemes dientro. Como solía ser habitual nos «Lletres Asturianes» lliterarios, la nómina de colaboradores ye amplia, variada y desigual. Participen autores de distintes edaes y tendencies creatives: Manuel Asur, Roberto González-Quevedo, M.ª Esther García, Xuan Porta, Xosé Lluis Campal, Xuan Carlos Crespos... Xaviel Vilareyo publica una obrina de teatru, traduzse obra del estoniu Jüri Talvet (por Josep Carles Laínez), de Kavafis (Helena Trexu), del malagueñu Pedro Gálvez (Inaciu Galán) y de Clarín (Xaviel Vilareyo). Hai autores con una sólida obra tres d'ellos: los poemes de Marta Mori y d'Aurelio González Ovies, les «olivines» de Vicente García Oliva, los relatos de José Luis Rendueles, Berto Cobreros o Xe M. Sánchez... D'ente lo que publiquen los más mozos destaca'l diálogu «Fast food» d'Abel Martínez. Dientro de la revista tien abondo pesu la creación poética en gallego-asturianu, representada pola brillante María José Fraga, por Alfredo de Ponticiella, por Miguel Rodríguez Monteavaro, por Vilareyo (que participa en toles estayes) y por Aurora Bermúdez. Lliteratura, 26 Esta revista, tamién veterana, publícala igualmente l'Academia de la Llingua dende 1990. Diríxela l'académicu Xosé Bolado. Anque tea editada pola Academia, el diseñu y la so concepción global nun tienen nada que ver cola revista qu'acabamos de reseñar: de formatu grande, con espacios blancos y semeyes a toa páxina (nesti casu son de José Javier González), tien un diseñu atractivu, más modernu. Pue dicise que los colaboradores d'esti númberu 26 (primavera 2009) son toos firmes conocíes: Quique Faes, Vicente García Oliva, Esther Prieto y Xuan Xosé Sánchez Vicente publiquen un cuentu cadún. Si quitamos los llibros xuveniles de García Oliva, los cuatro va tiempu que nun editen narrativa, especialmente Esther Prieto, que lleva ensin asoleyar prosa dende la so novela «Güelu Ismail», de 2002. Nel apartáu de poesía destaca la colaboración sentida de Paz Fonticiella, un poema de dolor conteníu y imáxenes acertaes; Fonticiella pertenez al conseyu de redacción de la revista y desconocíemos esta faceta creativa d'ella. Tamién publiquen poesía Xosé Bolado, Berto García (un haikunariu) y Ignaciu Llope. Roberto González-Quevedo avérase a la narrativa d'Eva González, qu'amás de ser la so madre foi una escritora que dexó fonda güelga nos qu'asistimos maraviaos a la so llegada a les nueses lletres, naquella serie «Na nuesa tsingua» publicada ente 1980 y 1990. Amás de poemes, Eva González dexónos un bon montón de cuentos qu'espliquen meyor qu'un tratáu cómo yera la vida (y polo tanto la cultura) de la sociedá agraria que-y tocó vivir y ver morrer. Nesti trabayu anuncia González-Quevedo otra obra inédita de la madre, Historia de la mia vida, una narración autobiográfica pola qu'esperamos con ganes. Esti númberu piésllase con una llarga reseña que Xuan Santori fai al llibru «Animal estrañu» de Pablo Antón Marín Estrada. Pero enantes Xabiero Cayarga traduz del alemán, cola solvencia que lu caracteriza, quince poemes mayores de Rose Aüslander (1901-1988). Pilar Fidalgo brinda un homenxe a la poeta Herme G. Donis (asturiana nacida en Valladolid y residente en Madrid), de la que traduz el poema «Camino». Formientu, 6 Dirixida por Inaciu Galán, editada dende'l númberu 4 por La Cruz de Grau (con meyor diseñu y más ordenada), esta revista que se subtitula de «lliteratura mui moza» llega al númberu 6. El so formatu habitual ye'l d'un cuadernu. Empezó a salir en 2006, y peles sos páxines van publicando los escritores nacíos na década de los setenta y de los ochenta. Nesti númberu hai autores d'obra conocida y reconocida, como Héctor Pérez, Ricardo Candás y Berto García; otros tán dándose a conocer: Javier Cayado, Benxa Pérez, Fran Melero o Abel Martínez. Jorge y Manuel Fernández García fain xuntos un homenaxe a la güela. Pero nesti númberu llamen l'atención dos colaboradores, sobremanera pola so procedencia: Daniel Estrada, nacíu en Santander, y Llucía di Salvo, de Bonos Aires, de madre asturiana. La parte final de la revista dedícase a publicar los relatos ganadores, accésits y encamentaos del I Certame de microrrellatos mozos «Formientu». Nun se diz na revista, pero'l llargor máximu que se permitía pa participar yera d'ochenta caracteres, una llinia nuna páxina estándar d'ordenador. Los ganadores ex æquo fueron Pablo A. Quiroga y Rubén Rey. Estandoriu, 2 Esta revista lliteraria diríxela José Ángel Gayol y ye una publicación de la Editorial Universos. El primer númberu salió en 2008 y esti segundu, dedicáu a Mieres (ta ilustráu con fotos antigües del conceyu), en 2009. Tien un formatu de llibru con secciones, y destaca nella la curiada selección de colaboradores y de colaboraciones. Nótase la mano crítica del so director, dalguién con idees bien clares de lo que ye la lliteratura y de lo que tien que ser una revista lliteraria. Empieza, na estaya «N'abertal», con un interesante y personal artículu d'Ismael González Arias sobre la vida lliteraria de Mieres nos años setenta. Namás se-y pue obxetar la brevedá. Ente les colaboraciones «En prosa», Miguel Rojo recupera un cuentu yá publicáu y premiáu nos años setenta. Dos poetes habituales, Ánxel Álvarez Llano y Héctor Pérez publiquen respectivamente tres microrrelatos mineros y un cuentu breve. En gallego-asturianu escribe Xavier Frías Conde. Xabiero Cayarga, Lluis Portal, Joaquín Fernández y Jorge Fernández García tamién colaboren con relatos. Esa sección piésllala Xosé Ramón Martín Ardines, ún d'esos autores siempre interesantes, que se lleen con gustu, pero d'obra tan dispersa que ye difícil facese una idea de la so aportación a la lliteratura asturiana. «En versu» publiquen dos escritores d'obra sólida, Vanessa Gutiérrez y Xuan Santori. L'aportación de Laura Marcos, una xoven y buiciega autora de formación sólida qu'empieza a asomar a estes publicaciones y a los blogs lliterarios con muncho que dicir, ye una aceda traducción de Jonathan Swift. Después d'una reflexión de Xulio Arbesú sobre la escritura de cuentos, la revista piésllase con reseñes, poques pa una publicación añal, firmaes por José Ángel Gayol y Miguel Ángel Gómez. Sorprende que frente a cuatro revistes «analóxiques», en papel, nun exista nesti momentu nenguna dixital nel ricu ciberespaciu n'asturianu. Hubo una, «Lliteratu», dirixida por Próspero Morán y redactada por Vanessa Gutiérrez, qu'empezó a publicase n'ochobre de 2005. Pero a partir del 1 de xineru de 2008 (númberu 14) nun volvió actualizase. Anque sigue colgada na so páxina web (lliteratu.com), nun se pue dicir que siga publicándose.]]> http://mas.lne.es/asturiano/index.php?seccion=noticia&id=124 http://mas.lne.es/asturiano/index.php?seccion=noticia&id=123 http://mas.lne.es/asturiano/index.php?seccion=noticia&id=122 http://mas.lne.es/asturiano/index.php?seccion=noticia&id=121 http://mas.lne.es/asturiano/index.php?seccion=noticia&id=120 http://mas.lne.es/asturiano/index.php?seccion=noticia&id=119 http://mas.lne.es/asturiano/index.php?seccion=noticia&id=118 http://mas.lne.es/asturiano/index.php?seccion=noticia&id=117 http://mas.lne.es/asturiano/index.php?seccion=noticia&id=116 http://mas.lne.es/asturiano/index.php?seccion=noticia&id=115 http://mas.lne.es/asturiano/index.php?seccion=noticia&id=114 http://mas.lne.es/asturiano/index.php?seccion=noticia&id=113 http://mas.lne.es/asturiano/index.php?seccion=noticia&id=112 http://mas.lne.es/asturiano/index.php?seccion=noticia&id=111 http://mas.lne.es/asturiano/index.php?seccion=noticia&id=110 http://mas.lne.es/asturiano/index.php?seccion=noticia&id=109 http://mas.lne.es/asturiano/index.php?seccion=noticia&id=108 http://mas.lne.es/asturiano/index.php?seccion=noticia&id=107 http://mas.lne.es/asturiano/index.php?seccion=noticia&id=106 http://mas.lne.es/asturiano/index.php?seccion=noticia&id=105 http://mas.lne.es/asturiano/index.php?seccion=noticia&id=104 http://mas.lne.es/asturiano/index.php?seccion=noticia&id=103 http://mas.lne.es/asturiano/index.php?seccion=noticia&id=102 http://mas.lne.es/asturiano/index.php?seccion=noticia&id=101 http://mas.lne.es/asturiano/index.php?seccion=noticia&id=100 http://mas.lne.es/asturiano/index.php?seccion=noticia&id=99 http://mas.lne.es/asturiano/index.php?seccion=noticia&id=98 http://mas.lne.es/asturiano/index.php?seccion=noticia&id=97 http://mas.lne.es/asturiano/index.php?seccion=noticia&id=96 La primer amante Fala esti gran autor del sieglu XX, nel so llibru «Triste trópicos», de qu'hubo tres amantes que marcaren tola so obra: yeren pasiones bien estremaes ente sí: la xeoloxía, el psicoanálisis y el marxismu. Anque ye un tópicu mui repetíu, val la pena referise a estos amores primeros, los «más malos d'olvidar». L'amante xeoloxía foi un amor qu'entamó na adolescencia: el flechazu de ver cómo los fechos y acontecimientos del pasáu queden petrificaos nun orde sincrónicu, de manera que «l'espaciu y el tiempu confúndense». La paradóxica fusión de la diacronía y la sincronía cautivaren al xoven pensador: la estratificación del tiempu ye un dulce oxetu d'amor pal que busca la racionalidá de lo que nos arrodia. Pasiones paraleles Seguramente de forma infiel y paralela cultivó Lévi-Strauss la rellación col pasicoanálisis. De la teoría freudiana deprendió pa siempre que son inconscientes les estructures básiques que van iguando les creaciones culturales. El llabor del antropólogu será interpretar, descubrir el códigu que da cuenta de la proliferación, a pimera vista caótica ya incomprensible, de lo que fai el ser humanu. Más tarde confesará Claude Lévi-Strauss qu'en realidá interesó-y más una amante más madura: l'apriorismu kantianu. Afirmaba que buscaba na cultura humana los condicionamientos a priori de los mitos, del parentescu y del restu de sistemes qu'abarca la cultura. Y la tercer amante yera la teoría marxista, que ye quien a esplicar la realidá per enriba del empirismu primariu, dándo-yos el so valor a los modelos estratéxicos teóricos. Otros amores ya investigaciones Pero pa iguar el so métodu científicu Claude Lévi-Strauss refrescó especialmente pol estructuralismu de la llingüística de Saussure. Piensa Lévi-Strauss que la revolución fecha pola llingüística estructural nun pudo menos d'afeutar a otres ciencies sociales, y dende llueu a l'antropoloxía. Siguiendo esti camín, un aspeutu fundamental de la cultura humana como son les instituciones de parentescu esplicaráles Lévi-Strauss como un tipu de llinguaxe qu'igua la comunicación coles muyeres como elementos significativos del intercambiu. Quierse asina llograr la intelixibilidá de los sistemas de parentescu gracies al descubrimientu de les lleis fondes de les sos estructures básiques. Con esti estudiu sol parentescu afítóse l'estructuralismu antropolóxicu, que tuvo muncha influencia n'otres disciplines na segunda parte del sieglu XX. Los mitos Dende l'añu 1950, pola mor del destín académicu, la obra de Lévi-Strauss centróse n'estudiu de los mitos, pero siempre cola mesma metodoloxía estructuralista. Dirá asina apaiciendo la serie de «Mitolóxiques «(Lo crudo y lo cocío, Del miel a les cenices,…), nes que Lévi-Strauss enfréntase al mitu non pa descubrir el so aniciu, nin pa saber ónde apaez antes y onde surde otra vuelta. L'oxetivu ye descubrir más bien la forma, la estructura, la gramática de los mitos, cómo son los procesos de tresformaciones y d'inversiones, cuálos son los esquemes isomorfos y recurrentes. Non a la especulación vacía Hai que destacar un fechu mui importante, un fechu trescendental que dalgunos escaecen: el llabor de Lévi-Strauss analizando los mitos afítase nun estraordinariu conocimientu etnográficu de les cultures americanes. El conxuntu de trabayos d'esti autor, si nun tuvieren esa solidez etnográfica, seríen inútiles. Claude Lévi-Strauss descalifica la especulación incontrastable y critica mui duramente a los que faen una mitoloxía xeneral ensin los sofitos empíricos necesarios: los mitos, vaciaos de conteníu y de contestu, dan llugar a esplicaciones fantasioses ya inxustificaes. L'análisis de los mitos úsalu esti antropólogu pa descubrir la lóxica inconsciente que mueve a los actores sociales. Trátase d'analizar los fenómenos sociales particulares pa refaelos de xeitu talu que s'esclarien les regles peles que'l significáu íguase coles perceiciones del mundu natural. En toos estos análisis Lévi-Strauss suel usar una lóxica binaria y tola so obra ta enllena d'oposiciones ente naturaleza y cultura, ente animal y planta, ente individuu y grupu, ente amigu y enemigu, ente lince y coyote, etc. Reconocimientu Claude Lévi-Strauss foi un críticu mui intelixente del evolucionismu, del historicismu, del difusionismu y del funcionalismu. Agora, yá bien dientro del sieglu XXI, hai que dicir que desgraciadamente dende la so brillante teoría nun foi pa iguase denguna llinia potente y continuadora del so pensamientu. Pero, anque en xeneral l'antropoloxía actual usa otros métodos, sí ye innegable'l respetu de los antropólogos de les distintes tendencies pa cola obra del gran pensador francés. Podrá nun se tar d'alcuerdu cola so metodoloxía, pero hasta na tradición anglo-saxona influyó Lévi-Strauss y tien un reconocimientu unánime. Al morrer agora, cuando pasaba de los cien años, siento la nececesidá d'homenaxear a esti espíritu esceicional de les ciencies humanes. Y conservo con un aquel especial la carta de felicitación que mandó a los que trabayamos na revista «Cultures» al espublizase'l primer númberu de la revista, que pa él tenía munchu interés. Una coda provinciana En dellos ambientes sectarios d'Asturies xeneróse dende hai años una especie d' inquina y animadversión a la escontra de Lévi-Strauss, quizabes pola ridícula pretensión de querer rivalizar con él. Ye grotesco y patético querer comparar al brillante antropólogu con algún profesor local al qu'hai tiempu dalgunos quisieren convertir en diosín provincianu. Si inteleutualmente nun hai comparanza posible, moralmente la distancia ye tamién sideral: mientres ún defendía les cultures minoritaries, otru refrescaba pol autoritarismu, que cuando ye un primer amor «ye mui malu d'olvidar». Bien ye verdá qu'esta bufonada de querer poner per enriba de Lévi-Strauss a un escuru enseñante tien disculpa: foi mui grande'l «trancazu categorial», que dexó a della xente cola cabeza amoriada y confusa, de manera que nun son a distinguir a un salvaxe d'una portera. La resaca durará entovía unos pocos años. Pero, pa quitar esti amargor, lleamos a Lévi-Strauus, cualquier obra d'él ye estimulante y, tamién, un placer pa la razón y pa la tolerancia. ]]> http://mas.lne.es/asturiano/index.php?seccion=noticia&id=95 http://mas.lne.es/asturiano/index.php?seccion=noticia&id=94 http://mas.lne.es/asturiano/index.php?seccion=noticia&id=93 http://mas.lne.es/asturiano/index.php?seccion=noticia&id=92 http://mas.lne.es/asturiano/index.php?seccion=noticia&id=91 http://mas.lne.es/asturiano/index.php?seccion=noticia&id=90 Nun ye'l cine que más me gusta, y seguro qu'a usté tampoco, pero eso nun quita pa reconoce-yos, a eses películes americanes d'universitarios desmadraos, l'estatus de xéneru dotáu d'especificidaes distintives, lo mesmo d'atrezzo (los descapotables de colores llamativos, les boles de plumes de les animadores, los jarsés con grandes lletres estampaes, la coca-cola en vasu de plásticu con tapa y paya), que d'escenarios (el campu de rugby, el colexu mayor, el salón de la graduación, la cafetería), que de situaciones (el baile de final de cursu, el fisgón camufláu nel vestuariu femenín, l'enfrentamientu final de los pringaos colos guais), que de personaxes (el director repunante y démodé, la cheerleader neumática [blanca y roxa], el guapetón atléticu [blancu y roxu], los fatinos cayuelos a los que les moces nun-yos faen casu [acéptense negros, orientales y blancos de pelu escuro]). El protagonismu, la razón de ser d'estes películes ta nos personaxes de la última categoría: ensin ellos nun hai historia, son el motor de los acontecimientos. Entiéndese, entós, que ye papel de muncha responsabilidá, del que se pue sentir ún orgullosu. Yo propongo, pa él, al coordinador d'Izquierda Unida d'Asturies, Jesús Iglesias. Diránme algunos que ta un poco mayucu pa la empresa, más cercanu al tiempu del proctólogu qu'al de la fimosis. Y yo contésto-yos qu'una etapa universitaria prolongada nun ye circunstancia escepcional ente la clase política asturiana, y que la mocedá ye un estáu del espíritu, y que la cara de Jesús Iglesias tresmite una impresión xuvenil, toi por decir qu'adolescente, que lu capacita pa representar, a la perfeción, al almóndiga de la cinematografía asturiana. Eso sí: hai qu'afeita-y el cercu ridículu de pelu que dexó crecer alredor de la boca, cola intención, evidente y fracasada, d'endurecer unos rasgos llandios, asustadizos. Les gafes, en cambiu, respetámosles y aplaudímosles. L'universitariu pringáu canónicu gasta gafes: nun vamos paranos equí a estudiar qué tipu de prexuicios imponen esti tópicu. Les d'Iglesias son de lentes poderoses, vese na refración brutal que delaten les semeyes: la cuenta. La perrerina rala cayendo pa enriba la frente convién tamién al personaxe, da-y un aire primaveral, revoltosucu pero inocentón, lo mesmo qu'esos dos paletos cuniculares que quieren asomar detrás del llabiu superior. En cambiu, tien que facer por nun subir la ceya izquierda, como suel: ye un xestu faltón que desdiz col conxuntu humilde. Vamos pone-y braquets, que son aparatu traumatizante y disuasor de besos. De talla, Iglesias ta niqueláu: ye menudín, de ración, xusto lo que nos fai falta: nun queremos un hércules pa esti papel. Y lo más probable ye que podamos aprovecha-y bona parte del armariu (la cinematografía asturiana nun ta pa tirar perres), que más d'una d'eses chaquetes que gasta, de manga arrogante que-y envuelve la metá de la mano, seguro que contribuyen a da-y al nuestru albóndiga un aire de perdedor mui satisfactoriu. Polo demás, los andares arreblagaos válennos siempre que los esplote nes secuencies nes que tenga qu'escapar de situaciones humillantes. Pero ya usé dos veces el términu «almóndiga» (¡cuánto más rica con esa eme que cola be!) ensin considerar si usté lu conoz o non. Da títulu a una triloxía infame de los setenta y ochenta. L'orixinal inglés ye meatball: una bola carne irracional que rueda, ciega, pa onde la emburrien, rebotando d'accidente n'accidente ensin ser a parar quieta. Eso ye lo que-y pasa al personaxe de Jesús Iglesias na posible película qu'imaxinamos. Los fardones del college, toos xugadores de rugby, curiosos, altos, cuadraos, trunfadores, méxense de la risa viéndolu naguar poles animadores del equipu qu'ellos se reparten y, na secuencia que tien que lu inmortalizar, emborráchenlu, con engaños miserables, hasta la inconsciencia. Cuando Iglesias despierta de la merluza, atontolináu, alcuéntrase tiráu nel verde, ente una mata d'árboles, na negrura de la noche y coles gafes como atuendu únicu. ¿Pue ser peor la situación? Sí: al mover la mano derecha, descubre que la tien apegada, con algún productu industrial d'efectividá insuperable, a la izquierda d'una muñeca hinchable, que-y saca un palmu, vestida con gales de fulana: pelucona roxa, top arratáu, shorts ñalgueros esfelpeyaos y zapatu de tacón altu. Asustáu, ponse de pies y la muñeca con él. Péga-y tirones pa soltala, pero la muñeca mueve violentamente la cabeza negándose. Decátase Iglesias, entós, d'una músiquina ambiental. Guardáu tres de los árboles, saltando d'ún pal otru, acércase a la llende de la mata y descubre, espantáu, que ta nel interior de los muros de la residencia femenina: unos metros delantre d'él, xunto la piscina descubierta, les universitaries celebren una fiesta de la fraternidá Tau Beta Sigma bailando en bikini y consumiendo alcohol de colores en copes decoraes con sombrillines xaponenes. Del sustu, aquello que nun decimos méngua-y a Iglesias (la escena nun ye esplícita, pero deducímoslo viéndolu protexer la entepierna con tres manes: dos propies y la de la muñeca). De punteres, recula buscando la protección del interior de la viescuca, pero'l so movimientu nun pasó desapercibíu: una neña acolumbró-y casualmente la sombra moviéndose y agora, con otres cuantes, acércase callandino a investigar. A too esto, al nuestru albóndiga, pueser que pol mieu o pola inxesta de licores, entráron-y les ganes de mexar, y asina ye como lu descubren les miembres: d'espaldes, sescudiendo la pirula depués del actu. Pero lleven una falsa impresión favorecida pola escuridá: paez que la que-y la sescude, cola zurda, ye una rapaza enclinada al llau. Escandalícense y arrevienten a pegar gritos. Iglesias y la muñeca dan la vuelta, asustáu él, descarada ella. Abrázala pa tapase los atributos, ella déxase, y asina, zapicando torpemente, fuxen ente los árboles. La indignación de les Tau Beta Sigma nun consiente: agora tola fiesta se xuntó a escazobellar pela mata, formando una filera de cazadores semidesnudes y rabioses. Pero l'albóndiga Iglesias tuvo suerte: dio con un cavornu, el tueru afuracáu d'un árbol muertu, y guardóse dientro, apretáu íntimamente cola muñeca. Col corazón baltiéndo-y azotáu, siente a les cazadores acercase arrenegando, amenazando con mutilaciones espantibles. Nun lu alcuentren, pasen de llargo. Iglesias respira: paez que va salvase y salir indemne. Xusto entós, suena un teléfonu móvil nel interior del cavornu denunciándolu. Les universitaries dan la vuelta al momentu. Desesperáu, Iglesias salta pa fuera l'árbol y cuerre cola pareya a rastres. Con él va tamién el politonu d'Abba delator. Si ta en pulguina, evidentemente, el teléfonu llévalu la muñeca, pero, ¿ónde? Escapar asina, con música llamando a la xauría, nun tien sentíu. Párase y arrínca-y el top a la muñeca: nada. Quíta-y los shorts: tampoco. Entós, ¿ónde lu guardaron aquellos cabrones? Namás puede tar... Lleguen les furies Tau Beta Sigma hasta'l claru onde Iglesias xorrasca con dos deos ente les piernes de la muñeca. Caen enriba d'él, rabiaes. Equí, l'actor tien que poner en xuegu tola so capacidá espresiva pa tresmitinos la indefensión y la angustia más absolutes. Ente palos, Iglesias ye quien a safase, pero perdió les gafes y sal corriendo ciegu. Llega al borde de la piscina y cai pal agua. La muñeca flota y agárrase a ella: una condición de cualquier almóndiga ye nun saber nadar. Les bikineres gríten-y escandalosamente dende'l borde formando un cercu atemorizador. El cuerpu de la muñeca resbaria y Iglesias fai esfuerzos pa que nun se-y escape d'ente les manes, arrepega per ella. Nún d'esos movimientos violentos, engáncha-y un pezón colos braquets: la muñeca pincha, empieza a desinflar. Iglesias funde seliquino pal fondu. Al traviés del agua, arriba, ve'l cercu borrosu de moces abucheándolu y lo único que quier ye nun volver a salir nunca a la superficie, que la muerte cumpla rápido la so misión.]]> http://mas.lne.es/asturiano/index.php?seccion=noticia&id=89 http://mas.lne.es/asturiano/index.php?seccion=noticia&id=88 Martes, 13 de ochobre Primer planu: una palomba con una ala rota coxica sobre los adoquines d'una avenida. Retumba un truenu apartáu y el páxaru pega un xirpíu. Preséntense, repentines, les ruedes d'un vehículu militar que frena con munchu azote raspiándolu: ¡salvóse poles plumes! Del coche salta un par de botes militares. La cámara sígue-yos (seguímos-yos) la carrera y sube tres d'elles, trotiando, los pasos d'una noble escalera de piedra. Planu xeneral: entramos nun gran recibidor de techos altísimos. El par de botes llevaba dientro un soldáu de la Wehrmacht que dexamos marchar, apuráu, camín de la obligación que lu requier: ya cumplió la so función, que consistía en metenos na Kommandantur del París ocupáu. Hoi hai munchu barullu nel caserón. D'una parte pa otra crúcense, con espresión seria, apurada, homes uniformaos que carguen con caxes de cartón voluminoses. Pasa una escepción: una secretaria sescudiéndose dientro una falda de tubu arratada, y nin siquiera dan la vuelta a mirala. Apartaos, una pareya de vieyos, servilmente doblaos, acongoxaos (debe ser asuntu de vida o muerte el que los trai), apúrren-y una mano papeles a un oficial que-yos los refuga con xestu displicente y mira pa otru llau: para un ordenanza transeúnte, que se cuadra y saluda, y lládra-y órdenes, ignorando les súpliques testerones de los vieyos. L'ordenanza repite'l saludu y echa a correr. Seguímoslu. Sube les escalerones nobles, anches, que lleven al primer andar, tan ruidosu como la planta baxa: teléfonos pidiendo atención, máquines d'escribir echando carreres, puertones que traguen y vomiten xente ensin masticar, ensin dixerir. El nuestru comisionáu desapaez tres d'una d'elles. Dexámoslu marchar tamién: aquél ye un aforfugu ensin dramatismu, funcionarial. Nosotros vinimos a ver otra película. Llámanos, por contraste, el silenciu del segundu andar. Agora, por iniciativa propia, la cámara, y nosotros con ella, sube adulces, de punteres. Cada pasu qu'escalamos, el baturiciu de timbres y portazos que queda al llombu va enruineciendo y descubrimos, entós, que'l silenciu superior nun ye tal. Lléguennos unos miaguíos escuros, esmolecedores. Un poco más arriba distinguímoslos con claridá: son quexes, sincopaes por silencios que sorrayen, siniestramente, golpes amataos pola distancia y les paredes. Tamos ya nel descansu de la escalera y somos quien a identificar la puerta pela qu'escapen los ximíos. Fisgona, la cámara acércase a ella agachada, prudente. Busca la pesllera pa ofrecénosla, pero, cuando tamos casi tocándola, cuando duldamos, indecisos, ente arima-y la oreya o'l güeyu, la puerta ábrese de golpe y tenemos que recular d'un blincu, asustaos. La febiella platiada d'un cintu, col relieve d'una esvástica coronada por un aguiluchu, y una daga enfundada nun gaxapu negru ye lo primero que vemos. Depués, tápenles unes manes que ponen guantes tamién negros de cueru, que se calquen ente elles les xuntures interdixitales con movimientos firmes, seguros, repetíos mil veces. Sube la cámara despacín, arrepegando pel cuerpu desconocíu nun travelling mínimu pero dramáticamente calmosu. Descubrimos un uniforme prietu impecable, adorniáu con botonadura brillante y correaxe cruzáu. El prendedor de la corbata ye una calavera d'orfebre. «Esti va ser el malu», dicímonos, «el nazi pérfidu y sanguinariu que disfruta torturando muyeres, fumigando neños y achuquinando vieyos.» ¡Nun ye papel pa cualquiera! Fai falta, primero de too, un home fechu pero non gastáu. Pulcru tirando a esterilizáu, que nun nos apeteza da-y la mano por mieu a que nun quiera soltánosla pero, tamién, por vergüenza de desperta-y l'ascu. Ofensiblemente tiesu, de pasu llargu y decidíu cuando se mueva y pose faltona na inmovilidá (un pie adelantáu a y diez, l'otru retrasáu a menos cinco). Los brazos saben cae-y, chulescos, a lo llargo del cuerpu y la cabeza rotunda, echada heroicamente hacia atrás, buscando no alto misiones trescendentales, llevanta'l cazu con aire de superioridá. La cara (simétrica, rectangular, aria) acentúa esa altivez severa, y el pelu roxo, el llabiu finu, el güeyu apretáu y amenazador dan-y un bañu de frialdá. ¿Nun tais viendo, metíu na pelleya'l personaxe, al conceyal de cultura del conceyu d'Uviéu, José Suárez Arias-Cachero, por nomatu xentiliciu Felechosa? Ehí tenéis un home con una firmeza pétrea pintada na faz, que sabe poner xestu de que nun va traicionar so patria poles llágrimes d'una madre xudía, que puede llevar la gorra platu negra con orgullu y dignidá verosímiles: Meine Ehre heist Treue. Una sorrisa torcida píntase nel cantu la boca del Hauptsturmführer Felechosa: ta contentu. Sube otru tramu d'escalera arreblagando los pasos de dos en dos (de tres en tres diba descomponer la figura, y eso nun procede). Cuádrase'l soldáu qu'atiende nel descansu de la tercer planta. Felechosa emburria una puerta tallada y entra nun salonón ampliu, llargu, decoráu con muebles nobilísimos y vacíu. Treviésalu a bon pasu: los tacones de les botes de caña alta ametrallen el silenciu. Otra puerta al fondu, más discreta. Pica un par de veces y ábrela ensin esperar invitación. Ye un despachu. De pies tres de la mesa de trabayu, d'espaldes, un militar destocáu fuma un pitu mirando pa la cai pel ventanal. -Heil, Hitler! -Felechosa espurre'l brazu. El fumador vuélvese. Nun contesta al xestu. Descubrímos-y, nes hombreres del uniforme desabrocháu, los galones platiaos y doraos del coronelatu. -¡Ah, Farn! Pase, pase -diz con desgana evidente. Y vuelve a mirar pela ventana. -Tengo la confesión -diz Felechosa, ufanu-. Guárdense nun sótanu de la rue des Abbesses, en Montmartre. El coronel sescude la cabeza, galbanosu: casi quier suspirar. -Montmartre. ¿Quier creer que tovía nun tuvi tiempu de subir hasta ellí? Y ya nun lo voi tener, pamidea. Suena un retumbíu. Vibren los cristales del ventanal. El coronel, inalterable, diz: -El cielu ta claro. Felechosa ponse nerviosu. -Voi mandar una patrulla a por ellos, her Oberst. -Non, Farn. Ya nun van salir más patrulles. -Her Oberst...! -Ya nun van salir más patrulles. Esto acabóse. -Da la vuelta y mira, con un aquel burlón, al incrédulu capitán de les SS-. Von Choltitz va firmar la rendición. -¡Niégome a aceptar tal posibilidá! -protesta Felechosa-. Voi cumplir la mio misión hasta l'últimu alientu. El coronel míralu en tientes: -¿Nunca-y da por preguntase qué pensará la historia de nosotros, Farn? -¿La historia? -tuerce la boca Felechosa-. ¿Qué más me da a mi la historia? ¡La historia ye l'anécdota de la bioloxía! Yo sirvo a la bioloxía. Cada planta dañina qu'elimine ye una planta que nun va retoñar, ye mala simienta que nun va esistir. Ganar o perder la guerra ye un asuntu menor: lo importante ye llimpiar -esáltase-. Si facemos bien el nuestru trabayu, ¿qué más da que nun nos lo agradezan nel futuru? Esos mesmos que nos condenen van ser fíos de la purificación que nosotros supimos facer. El coronel lleva'l pitu a la boca y péga-y una calada. Renuncia a discutir: da la vuelta a mirar otra vez pel ventanal: -Nun van salir más patrulles, Farn -repite, y concéntrase n'algo que ta pasando abaxo, na cai, algo trescendental: pueser que los andares torpes, dramáticos, d'una palomba con una ala rota. -Decepcióname usté, her Oberst -reburdia Felechosa, apretando los dientes; suelta'l botón de la cartuchera y va sacando la Luger (planu de detalle) al tiempu que s'acerca, callandino, al coronel despistáu. Siéntese un disparu nel descansu de la tercer planta de la Kommandantur. El soldáu de guardia ponse en movimientu: descuelga'l Mauser y cruza corriendo'l gran salón vacíu. Cuando ta a un pasu d'algamar el despachu del coronel, la puerta ábrese de golpe y l'Hauptsturmführer Felechosa sal, en dirección contraria, con pasu decidíu. -Her Oberst acaba de pegase un tiru -anuncia, secu-. Avise al doctor. Pela puerta entorniada vemos el cuerpu del coronel esbarrumbáu nel sillón de la mesa. Pínga-y sangre de la cabeza y cuélga-y una pistola del deu índiz. Felechosa baxa a galmiaes les escaleres hasta'l gran recibidor, tan activu como a la nuestra entrada. Da-y órdenes a un ordenanza que garra de camín. -Staub: nun minutu quiero un vehículu con una patrulla a la puerta. Sal pal esterior, a la cai. Mira, ansiosu, pal llau per onde tien que llegar el coche. De repente, posa la vista en suelu y descubre una palomba arrastrándose: de milagru nun la pisó ensin dase cuenta. Agáchase y gárrala con cuidáu. Estúdiala. Nun ye quien a doblar una ala. Felechosa espúrre-yla y l'animal respígase. Tienla rota. Retuérce-y el pescuezu y avienta'l páxaru pa un llau. Llega una camioneta con seis soldaos armaos y sentaos na caxa descubierta. Felechosa monta na cabina. -¡Rue des Abbesses, rápido! Arranquen con una sescudida. Les ruedes derrapen sobre los adoquines de París y, al desapaecer, déxennos espuestu, en primer planu, el cadávere retorcíu d'una palomba esnucada.]]> http://mas.lne.es/asturiano/index.php?seccion=noticia&id=87 http://mas.lne.es/asturiano/index.php?seccion=noticia&id=86 http://mas.lne.es/asturiano/index.php?seccion=noticia&id=85 http://mas.lne.es/asturiano/index.php?seccion=noticia&id=84 http://mas.lne.es/asturiano/index.php?seccion=noticia&id=83 http://mas.lne.es/asturiano/index.php?seccion=noticia&id=82 http://mas.lne.es/asturiano/index.php?seccion=noticia&id=81 http://mas.lne.es/asturiano/index.php?seccion=noticia&id=80 http://mas.lne.es/asturiano/index.php?seccion=noticia&id=79 http://mas.lne.es/asturiano/index.php?seccion=noticia&id=78 http://mas.lne.es/asturiano/index.php?seccion=noticia&id=77 http://mas.lne.es/asturiano/index.php?seccion=noticia&id=76 http://mas.lne.es/asturiano/index.php?seccion=noticia&id=75 http://mas.lne.es/asturiano/index.php?seccion=noticia&id=74 http://mas.lne.es/asturiano/index.php?seccion=noticia&id=73 http://mas.lne.es/asturiano/index.php?seccion=noticia&id=72 http://mas.lne.es/asturiano/index.php?seccion=noticia&id=71 http://mas.lne.es/asturiano/index.php?seccion=noticia&id=70 http://mas.lne.es/asturiano/index.php?seccion=noticia&id=69 http://mas.lne.es/asturiano/index.php?seccion=noticia&id=68 http://mas.lne.es/asturiano/index.php?seccion=noticia&id=67 http://mas.lne.es/asturiano/index.php?seccion=noticia&id=66 http://mas.lne.es/asturiano/index.php?seccion=noticia&id=65 http://mas.lne.es/asturiano/index.php?seccion=noticia&id=64 http://mas.lne.es/asturiano/index.php?seccion=noticia&id=63 http://mas.lne.es/asturiano/index.php?seccion=noticia&id=62 http://mas.lne.es/asturiano/index.php?seccion=noticia&id=61 http://mas.lne.es/asturiano/index.php?seccion=noticia&id=60 http://mas.lne.es/asturiano/index.php?seccion=noticia&id=59 http://mas.lne.es/asturiano/index.php?seccion=noticia&id=58 http://mas.lne.es/asturiano/index.php?seccion=noticia&id=57 http://mas.lne.es/asturiano/index.php?seccion=noticia&id=56 http://mas.lne.es/asturiano/index.php?seccion=noticia&id=55