Queta
Al cura de Santuyano (Mieres): Señor cura, mío madre vivió tola vida na so parroquia. Llamábase Queta. Dígo-ylo porque nun mencionó’l so nome en nengún momentu del responsu que dio nel tanatoriu de Mieres esti sábadu 14 d’abril. Nun ficimos funeral porque na familia nun somos creyentes. Ficímos-y un responsu porque ella dicía que creyía en dios, creyía que’había algo, pero que nun creyía na ilesia nin nos cures (rezones pa ello hai munches, anque tamién haya cures bonos, claro).
Mio madre yera una persona bona. Sábelo tola xente que la conoció. Nun necesitaba que-y perdonaren los pecaos porque nun los tenía. Pa ser bonu nun fai falta ser creyente nin dir a misa. Si tolos creyentes y xente que va a misa fueren bones persones, el mundu que conocemos nun diba ser como ye.
Ella, y tamién mio padre, que taba allí, merecíen d’usté un tratu más humanu. Un poco más d’empatía, de caridá cristiana, d’amor a los demás. Nun saludó a mio padre nin a nadie de la familia nin al entrar nin al salir de la sala, amás de como, como dixi, nun dicir el nome de mio madre en nengún momentu.
Esto que-y toi diciendo tuvi gana de dicí-ylo ellí, pero naquel momentu tan dolorusu dexélo pasar. Pensé depués na so actitú, nesa relixión del ritu y la ceremonia qu’usté nun comparte les practiques relixoses convencionales.
Mio madre nun pudo estudiar. Por ser muyer y por ser pobre. Pero tenía una sabiduría que yá quedríen munchos estudiaos. Aprendiónos a nun callar delantre de los que nos traten mal y por eso nun diba quedar tranquila si nun-y lo digo públicamente en nome de los fíos y nietos de Queta Fernández y Pepín Flórez.
Delfina Flórez Fernández
Uviéu
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo