El PSOE y la oficilidá
Que’l PSOE tea agora a favor del asturianu ye un fechu, dau qu’él mesmu lo aprobó nel pasáu congresu de la FSA (la Federación Socialista Asturiana), asina como la eleición del nuevu secretariu xeneral, Adrián Barbón.
Pero la entruga que se nos plantega ye’l porqué d'esta decisión: ¿por qué dempués de casi 30 años gobernando’l PSOE n’Asturies nunca antes esti partíu quixo apoyar la oficialidá? Ta claro qu’otros partíos tamién nacíos cuando la transición tampoco sofitaron (ni van sofitar enxamás) que l’asturianu fuera la llingua cooficial de la comunidá, y pa la xente que siempre tuvo esperando por esto, pa que fuera una realidá, que’l PSOE lo apoye agora ye un gran pasu.
De toes formes, naide sabe si de xuru esti partíu votaría a favor nuna hipotética votación parlamentaria sobre la oficialidá del asturianu dempués de les prósimes elecciones. Per un llau, lo que pa munchos ta nidio ye qu’esto pue ser una vuelta de tuerca más, típica de los partíos políticos col fin de ganar más votos. Per otru, tán los qu’afirmen qu’esto significa que’l PSOE ta entainando a razonar y aceutar que la llingua de la rexón precisa ser oficial, como lo ye la propia en Galicia, País Vascu, Cataluña, etcétera. Entá asina cabe la posibilidá de que si l’idioma fuera cooficial, nun predominara la so fala nel Principáu, y siguiera falándose el castellanu, polo que tendríen d’aplicase polítiques llingüístiques contundentes, como se fizo n’otres comunidaes autónomes.
Otra de les midíes que se tendríen que tomar, si l’asturianu fuera oficial como llingua, ye que la TPA tendría qu’emitise n’asturianu, y pue que delles coses en castellanu o amestando dambos, como poces vegaes se fai agora. Tamién pudiera ser que s’emitieren los programas n’asturianu, pero sotituláu n’español, o simplemente n’asturianu, ya intercambiar pente l’asturianu y el castellanu, por exemplu, nos informativos, siendo’l de les 14.00 n’asturianu y el de les 20.30 en castellanu. A raíz d’esto, llegamos a les midíes que se tienen que dar na educación, y sería opcional la enseñanza en castellanu, pero ¿daríense n’asturianu toes aquelles asignatures que nun seyan idiomes (como la llingua castellana, l’inglés, el francés...) como, por exemplu, les ciencies sociales, la bioloxía?... Asina tendría que ser, pero too esto tendría a la fin que ser negociao, y que los partíos políticos en xeneral, los que ten a favor de la oficialidá, llegaren a un consensu sobre toos estos temes pa poder facer del asturianu, la llingua oficial.
Darío Iglesias Granda
(IES Lluces, Colunga)
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo