¿Por qué nun facemos una «porra»?
Dientro poco vamos tener a Javier Fernández presidiendo'l nuevu Gobiernu d'Asturies. Nun tengo nin idea de lo que dixo que diba facer demientres la campaña electoral nin tampoco nun sé que va dicir nel discursu d'investidura. Tocante a lo primero, nun sedré l'únicu; polo que se refier a lo segundo, creo que tamos toos más o menos igual. Pero cuándo escomencipie a dar tayaes al presupuestu, a baxar sueldos, a echar al personal interín, a ciarrar empreses, a dar la xestión de servicios a los capitalistes, nuna pallabra, cuando escomencipie a portase como'l defensor del capitalismu que ye, y equí vien lo de «porra», ¿cuánto va tardar en echa-y la culpa a la «herencia»?, ¿cuánto va tardar en dicir que nun sabía lo mal que taba too?, ¿cuánto va tardar en dicir que nun-y gusta lo que tien de facer, pero qu'hai que lo facer? En resumen, ¿cuándo va escomencipiar a tacer y a dicir lo mesmo que ta faciendo y diciendo Rajoy?
Yo digo que nun pasa el mes.
PS. Buscar nel programa electoral a ver cuántes vegaes sal la palabra «obreru» (quitando nel nome del partíu, claro) y tar sollertes a ver cuántes vegaes la diz nel so discursu d'investidura.
José María Estrada Janáriz, Oviedo
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo