Les fuerces del orde públicu
Nun país con más de 5.000.000 de paraos, con nun sé sabe cuántos con unos emplegos-basoria, con miles de trabayadores por cuenta propia quedándose tolos díes ensin trabayu, con otros millones que dende que FelipeGonzález ganó les eleiciones nun ficieron otra cosa que perder derechos; nun país onde vemos que les perres que mos quiten de sanidá, educación, investigación, fondos mineros, guarderíes, etcétera, van parar a los bancos, ye lóxico qu’haya xente que salga a les cais a manifestase, qu’ocupe places públiques, que corte carreteres, víes de tren (lo que nun entiendo ye cómo se conformen sólo con eso). Y entós, ¿qué pasa? Que van unos funcionarios a los qu’Aznar los dexó ensin xuba de sueldu, Zapatero baxó-yoslu y esti d’agora báxa-yoslu y a faer un ampliamientu de la xornada de trabayu y entámenla a palos con toa ese xente. ¿Qué lóxica tien eso? ¿Nun se decaten de qu’a los que tán frayando a palos son como ellos? ¿Nun ven que si esa xente a la qu’ataquen consigue lo que pide tamién-yos diba dir bien a ellos? ¿Nun quieren ver que l’uniforme, el cascu, el palu, la pistola, l’escudu, etcétera qu’empleguen escontra la «multitud» ta too pagao colos impuestos d’esa xente a la que tán machucando? ¿Nun caen na cuenta de qu’esto ye un escarniu? ¿Nun son quién a ver que los enemigos de toes ese persones son tamién los sos enemigos?
Creo que tenéis de paravos a pensar si hai que ponese del llau de los esplotadores (qu’exercen una violencia estrema col BOE na mano) o de los paraos, de los mineros, de los estudiantes, de los que se quedaron ensin casa por nun poder pagar una hipoteca. Dicho n’otres pallabres, trátase de ver si hai que contribuyir a qu’impere’l (des)orde d’ellos o l’orde de nós, que somos multitú.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo