A Ladislao de Arriba
(En respuesta al so artículu «A vueltas con el bable»)
Lleo la so carta dedicada al nuesu idioma, al asturianu, y siento pena, danme ganes de llorar de ver cómo l’autoodiu llena les ringleres que dedica a refirise a la llingua asturiana.
La so negación de la esistencia del asturianu delata o bien la so falta de conocimientu (nel meyor de los casos) o bien la so mala intención, atancando a un idioma pequeñín en númberu de falantes como esti, pero igual d’importante pa la diversidá llingüística del mundu, y sobre too, pa nós, los asturianos, que tenemos esti guapu patrimoniu.
La mayoría de los asturianos queremos que l’asturianu tenga futuru y, anque nun comparta esi deséu y prefiera que s’acabe col asturianu (o bable, si prefier, que lo mesmo ye), lo que nun debería tolerar LA NUEVA ESPAÑA, que publica parte de los sos conteníos nesti idioma, ye que se ponga en dulda la so esistencia y se faigan rises a costa del nuestru patrimoniu. ¿O publica conteníos LNE nuna llingua que nun esiste?
Nesta situación económica que vivimos y que vusté cita nel so artículu, nun podemos permitinos desechar elementos que pueden aportanos riqueza y empléu a los asturianos, como esplicó la conceyala Pilar Pardo na intervención de la que fala. Nun tenga vergoña en recordar la llingua de la so infancia, cola que seguro creció y na que seguro que falaba colos sos güelos, y qu’oxalá siga usando colos nietos. Yo y munchos asturianos asina queremos que seya.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo