T.P.¿A?
Llevamos tres meses de conflictu na minería n'Asturies, y esta emisora de televisión nun paez dase cuenta d'ello. Paezme triste abondu que ten dedicándo-y más tiempu a esti tema les cadenes nacionales qu'ella.
Nun algamo entender el criteriu de noticia d'interés públicu de los responsables d'esti canal. Ye cierto que'l conflictu va pa llargo, pero nun per eso dexa de ser noticia d'interés pa la xente d'Asturies, to los dis pasa algo y nun lo vemos nesa pantalla más allá de los diez segundos d'un comentariu en titulares.
Si'l ministru d'Industria fai un comunicáu pa dicir lo mesmo del primer día (perque nunca dixo na nuevo), dáse-y cobertura, pero nun vemos les declaraciones de los axentes sociales, y nun ye perque nun les fagan, ni perque ten lloñe.
El día 24-7-12, nel informativu de la nuechi d'esta cadena dieron la noticia del arrestu de tres persones en Pola Llena per agresión y disturbios, faciendo notar que nengún de los tres yera mineru, tomándose la molestia d'informamos de les sos profesiones. Vese que los responsables del noticieru nun s'enteraron entavía de que'l conflictu mos afecta a toos. Per fechos como estos, nun creo pecar de suspicaz si digo que se-yos nota abondu'l sesgu que lleven.
A ver si un día tienen a bien explicamos qué significa la «A» de les sos sigles.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo