Equí hai magullu
Nótase a les clares qu'equí hai magullu. Nun se sabe cómo pero siempres se salven los mesmos: bancos y grandes empreses. Probinos, qué pocos beneficios tienen.
Si hai que sacar perres habrá que sacales d'u les hai. Pa entamar que pague la Ilesia la contribución, los especuladores financieros que tributen acordies col rendimientu del trabayu, los soldaos que tenemos pel mundu que vuelvan pa casa que nos tan costando un picu, les grandes fortunes que contribuyan más yá qu'époques de bonanza económica se-yos dieron más prebendes qu'a naide, los equipos de fútbol profesional que paguen yá'l pufu que tienen qu'hai perres de sobra pa mercar sugaores, les empreses enerxétiques d'ellectricidá, gas y otros carburantes que paguen bones multes por ponese d'alcuerdu nos precios y estafar a los ciudadanos con unes tarifes illegales; y asina podemos seguir sumando.
Ta ñidio: les perres siguen ehí pero'l que les tien cuenta facer negociu a costa de los demás especulando; yá se sabe qu'en tiempos de crisis ya cuando s'amasen les grandes fortunes. Poro, esta crisis tienen que pagala, sobre too, los que la provocaron y los que se beneficiaron d'ella. Ye lo xusto.
Iván García García
Uviéu
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo