¿Y qué fae la Facienda Pública?
L’artículu 17.2 de la vixente llei del Impuestu de la Renta de les Persones Físiques diz que «tendrán la consideración de rendimientos del trabajo:
a)...
b) Las cantidades que se abonen, por razón de su cargo a (...) los miembros de las asambleas legislativas autonómicas (...) con exclusión, en todo caso, de la parte de aquellas que dichas instituciones asignen para gastos de viaje y desplazamiento».
Eso quier dicir que de tolo que cobren los nuestros diputaos por razón del so cargu, lo qu’a ellos mesmos-yos da por ponese como gastos de viaxe y «desplazamiento», nun paga a Facienda. Primer motivu d’escándalu: ellos son los que deciden la parte de los sos ingresos que va tributar a la Facienda pública y cuálos non. Nesti casu, ellos ponen lo que van ingresar por «asignación para gastos de viaje y desplazamiento», y lo que cobren por ello ta llibre d’impuestos.
Vamos col segundu escándalu. Dientro d’esa «asignación», tienen dos casos: a) «Para gastos de locomoción: 0,1864011 x 30 x kilómetros» y b) «Para gastos de manutación y estancia, 933,74 euros». Como pue vese, al paecer, los nuestros diputaos viaxen los 30 díes del mes, porque la fórmula nun pon 0,1864011 x númberu de díes x kilómetros, non, pon 30 díes. Asina que cualquiera que seya’l númberu de quilómetros que faen nun día, según esa fórmula, multiplícase por 0,1864011 y por 30. Casi nada. Y por eso nun se paga a la Facienda pública.
Vamos agora colo de la «manutención y estancia». Resulta que viaxe o nun viaxe, coma o duerma en casa o fáigalo fuera, resulta que cada diputáu métese pal bolsu 933 euros al mes. Dicho d’otra manera: si un diputáu, nun mes, nun va a nengún sitiu por razón del so cargu, resulta que tamos pagándo-y 933 euros por comer y dormir na so casa; 933 euros al mes polos que nun paga impuestos. Pero, hai que tener en cuenta qu’acordies col nuestru sistema llegal, una dieta (lo que la llei del impuestu llama «gastos de viaje y desplazamiento») ye una cantidá que, por pura lóxica, nun pue ser «fija en su cuantía» nin «periódica en su percepción». Por embargu, nel casu de los nuestros diputaos, vese que ye «fija» (933 euros) y «periódica en su percepción» (ye mensual). Y esti ye’l tercer escándalu: resulta que na Xunta, unos gastos qu’hai que xustificar (aónde fuisti, qué costó l’hotel, cuántos quilómetros percorristi, cuántos díes tuvisti fuera, etcétera) nun se xustifiquen y encima dante 933 euros al mes. Y entrugo, ¿cobrarán too esto los meses nos que tan fuera del períodu de sesiones? Esixo una contestación.
Creo que la Facienda pública tien de pescudar esta situación, pues la llei del impuestu diz que nun pagarán impuestos polo que s’asignen pa «gastos de viaje y desplazamiento»; pero, claro, pa cobralos y nun pagar por ello habrá que viaxar, dir a dalgún sitiu y xustificalo, nun tar calentín en casa. A nun ser, claro, que los nuestros diputaos del PP, PSOE, IU, FORO y UpyD piensen «inocentemente» qu’eso d’«asignar» quier dicir que ponen lo que-yos paez, nun xustifiquen nada y, encima, nun paguen impuestos por ello.
P. S. La fórmula pa los gastos de «desplazamiento» y la cantidá por «gastos de manutención y estancia» tán na páxina de la Xunta Xeneral. Convido a tolos que llean esto a que, si-yos vaga, entren na so web y vean si son a dar con estos datos. Tar, tán, pero tán bien a escondíes. ¡A ver quién ye’l guapu que los atopa y en cuántu tiempu! La tresparencia nun ye lo que rescampla na Xunta Xeneral del Principáu d’Asturies.
José María Estrada Janáriz,
Uviéu
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo