La sociedá asturiana demanda l'asturianu oficial
Pídelo. Ye ñidio que la nuesa llingua ye patrimoniu de toos, de los que la falen y de los que non, de los asturianos principalmente, pero tamién pertenez al mundu; ye un tesoru cultural y llingüísticu que los asturianos tenemos obligación de tresmitir a futures xeneraciones nes meyores condiciones de sobrevivencia y dignidá.
L’asturianu ye una llingua española más, pero a la contra qu’el gallegu, el catalán, el vascu o el valencianu, nun ye entagüéi una llingua oficial. Nun tien reconocíu aínda esi rangu llegal nel so Estatutu d’Autonomía. Y d’ehí, del pocu apreciu que tenemos los asturianos pa lo que ye de nueso y del pocu procuru de los nuesos gobernantes, devienen munches de les circunstancies negatives que-y afecten: falta de derechos democráticos pa los falantes d’asturianu, precariedá na enseñanza, invisibilidá social, inseguridá xurídica, y toles torgues que podamos imaxinar talo como negación de recursos econnómicos, imposibilidá de presentase a concursos los nuesos escritores, etcétera. Nun hai otro qu’acabar yá pa siempres con esa inxusticia, con esta islla antidemocrática de falta de drechos llingüísticos que ye Asturies. La única llingua española non reconocida oficialmente. Nun falamos de xuegos florales, falamos de persones, de drechos, d’una llingua que ye un tesoru únicu nel mundu que los asturianos tenemos y arguyosos hemos curiar y facer qu’espollete.
Por todo lo espuesto y polo xusto d’esti deséu qu’a toos arriquez, los nuesos políticos han de garrar d’una vez esti perimportante asuntu con valentía y, en comuña, yá qu’esta tema ye xera qu’ha vinir del consensu serenu y xenerosu, camudar les lleis necesaries pa facer del asturianu una llingua cooficial xunto col castellanu, la otra llingua d’Asturies que toos apreciamos y sintimos. Altura de mires y desdexar vieyos prexuicios y zunes personales han ser bonos collacios nel camín de buscar calces pa que la nuesa llingua tradicional tea la consideranza y reconocencia llegal que bien merez. Y que nun mos falen agora de la crisis, esti cuentu yá lu conocemos: nun hai crisis pa reconocer los derechos de les persones y la sociedá asturiana demanda esi pasu.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo