Final del cursu más triste
Perdimos a Arturo.
Vivió de cinco años p’acá una llucha tremenda ya inxusta contra la leucemia.
Y ganó la malura.
Vímoslu arrecostinando colos efectos secundarios de tolos tratamientos médicos posibles. Ensin quexase. Sentímoslu abellugase nos llibros, nes llibretes col procuru y l’enfotu del meyor escolín. Les sos calificaciones siguieron, contra vientos y truenes, siendo merecíos sobresalientes. Y, dende llueu, el so braeru sentíu de la xusticia académica nun permitía tratos especiales.
Nestos caberos cursos fizo de portavoz del so equipu de trabayu de clase, esclariando les duldes, sopelexando les rempuestes, compartiéndolo too. El meyor Michael Jackson nel Antroxu, el que llevaba la bandera d’Asturies nos festivales, el que facía los dibuxos más prestosos, el que sabía les meyores webs de xuegos interactivos, el magu de los trucos de maxa. Y quería lleelo too, sabelo too y entendelo too. Siempre dende la inocencia y la bondá, con priesa, como si supiere que’l tiempu-y tenía preparao una mala xugada.
Nunca, enxamás, t’escaeceremos. Los tos collacios de clase persabemos qu’a la semeya de la graduación de los indestructibles de sestu del Buenavista I falta-y un nenu. Quédase con nós. Nel coral de tolos que lu quisimos. Valoratible so vida. Valoratible’l so exemplu.
con nós. Nel coral de tolos que lu quisimos. Valoratible so vida. Valoratible'l so exemplu.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo