Querer estudiar y nun poder
Nesta carta quiero falar de la profesionalidá de la nuesa gran Universidá d’Uviéu, esa que ta situada nel puestu númberu ventiún del ranking ISSUE-V de les universidaes públiques españoles, d’un total de cuarenta y ocho.
Hai dalgunos alumnos que tamos n’una situación preocupante, porque nun nos podemos matricular nos estudios que tamos faciendo. Too esto surdió cola apaición de Bolonia, onde na Facultá de Maxisteriu quiten les especialidaes y simpón el Grau en Mayestru d’Educación Primaria, onde nos dos últimos años los alumnos tienen qu’escoyer una especialidá (Mención n’Educación Especial; Mención n’Educación Física, Mención n’Educación Musical, Mención en Llingua Estranxera: Francés, Mención en Llingua Estranxera: Inglés y Mención en Llingua Asturiana) y equí tal problema, porque dalgunos alumnos que ficimos la diplomatura de Maxisteriu y dempués apuntáramosnos a facer el cursu d’adaptación al grau en Primaria, onde salimos cola titulación correspondiente, al finar la mesma planteósenos la posibilidá de faer namás la mención y dende secretaría díxosenos que podíamos, siempre qu’escribiéramos al decanu de la Facultá de Formación del Profesoráu pa que nos diera pasu pa poder estudiala.
Poco dempués d’entamar les clases, llegonos un corréu onde apaecía un llistáu colos alumnos que tábamos aceptaos, pero’l problema ye que nun nos podemos matricular porque nun hai posibilidá na páxina de la Universidá, ni paez que vaya solucionase en breves, darréu que tamos nel mes d’avientu y siguimos igual.
Dalgunos de nós, falamos col decanu y ésti mandonos pal Vicerrectoráu d’Estudiantes, onde pensaba que taba’l problema, y que dende ellí podríen arreglalo. Al entamar el mes de payares, un grupu d’alumnos de la Mención d’Asturianu pasamos per ellí pa falar col responsable y díxonos que taben trabayando nello y qu’al finar esi mes taría solucionáu l’asuntu. Pero llegó avientu y tamos nes mesmes. Na última selmana d’esti mes, pasemos de nuevu per ellí pa saber si seguíen trabayando o lo dexaron de llau y díxosenos qu’agora nun podíen dar un plazu porque nun taben seguros de poder solucionalo en pocu tiempu.
Al rodiu de too esto, surde’l problema daquellos alumnos que tamos faciendo la Mención d’Asturianu, qua’l finar la mesma, entramos nuna bolsa d’empléu y si nun tamos matriculaos na Universidá nun conseguimos nin el títulu nin entramos na llista, asina qu’esiximos que se faiga daqué al respeutu pa solucionalo enantes de finar exámenes en Xineru.
La clave ye que, pa una vegada na que los alumnos quieren pagar a la Universidá, ésta nun da la posibilidá pa ello,y dempués tán ellos detrás de los alumnos pa que paguen. Amás, ufierten estudios enantes de planificase pa que los alumnos puedan matriculase. ¡Una vergoña!
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo