Mandela nun ye'l gran home que mos dicen
En xineru del añu 1990, Mandela escribió una nota pa los sos siguidores. Yera tocante al so compromisu sobre la tresformación económica del Estáu del apartheid. Nesi escritu dicía: «La nacionalización de las minas, los bancos y los monopolios es la política del ANC (Congresu Nacional Africanu) y cualquier cambio o modificación de nuestras opiniones en este sentido es del todo inconcebible. El empoderamiento económico de los negros es una meta que suscribimos y promovemos sin reservas y, en nuestra situación, el control estatal de ciertos sectores de la economía es inevitable» (All Africa.com, 4 de payares de 2001).
Por otru llau, nun tenemos qu’escaecer que la Freedom Charter (Estatutu de la Llibertá) del Congresu Nacional Africanu establecía: «Al pueblo le será restaurada la riqueza nacional de nuestro país, la herencia de los sudafricanos; la riqueza mineral del subsuelo; la banca y los monopolios serán transferidos a la propiedad conjunta de todo el pueblo; todos los demás sectores serán controlados para que contribuyan al bienestar del pueblo». Talu Estatutu ye de 20 de xunu de 1995 (www.anc.org.za).
Dempués vieno la llegada al poder y, al poco, la rindición incondicional al capitalismu nacional y al internacional (gobiernos occidentales, Bancu Mundial, Fondu Monetariu Internacional); y nada de tolo dicho na Freedom Charter nin na nota de Mandela tuvo’l menor valor.
Y p’amosar lo dicho, voi dar un exemplu: dende que nel 1994 l’ANC aportó al poder hai’l doble de persones con ingresos diarios perbaxo d’un dólar (Christian Science Monitor del 13 d’ochobre de 2006 e informe sobre desarrollu humanu 2006, que pue consultase en www.undp.org).
En viendo esto, ye perfectamente comprensible que tol gran capital mundial y los sos representantes nos gobiernos de los estaos capitalistes y los medios de comunicación (tamién nes manes del capital) digan tolo que tan diciendo sobre lo gran home que yera Mandela.
Yo nun tenga nada polo qu’aplaudilu. L’engañu ye escomanáu. El fechu de que la xente de raza negra agora puea votar ¿quier dicir eso que s’acabó col racismu económicu?, ¿quier dicir eso que’l capital nun sigue nes manes de los blancos que siguen esplotando a los negros?
Repito: nun tengo nada polo qu’aplaudir a Mandela.
José María Estrada Janáriz
Uviéu
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo