Normalidá y oficialidá pal asturianu
Miles d’asturianos llevamos años glayando peles cais d’Uviéu l’asturianu llingua oficial; un pidimientu xustu y democráticu que se vien repitiendo col festexu de les nuestres lletres tolos meses de mayu. Falamos de persones y falamos derechos. Cada vuelta somos más los qu’apostamos pola normalización social del asturianu y pola cooficialidá en planu d’igualdá col castellán, en sin discriminaciones nin imposiciones; de tala mena qu’al que-y pete pueda vivir llibremente n’asturianu nesta nuestra Asturies patria querida.
Por qué esi negase a oficializar la llingua llariega d’Asturies. Por qué caltener esta situación predemocráctica y d’escepción. Quién tien miéu a esta llingua siempres maltratada que nun-y lu tien al restu de llingües españoles que son toes cooficiales nos sos territorios, escueto l’asturianu. N’Asturies nun hai conflictu llingüísticu si los falantes dásturianu son mudos o tan callaos baxo la bota de la intolerancia, los prexuicios y les paranoies d’unos cuantos dirigentes que quieren imponenos los sos mieos y pa encima cuenten ellos que son demócrates y lliberales.
L’asturianu ye un patrimoniu llingüísticu de primer orden y únicu nel mundu, una llingua nin meyor ni peor qu’otres, y que sirve pa comunicanos y falar colos nuestros fíos, amigos y resto de ciudadanos de cualaquier tema. Una llingua viva que quier vivir con dignidá otros milenta años más, pero que dellos s’empeñen incomprensiblemente en arrequexar y marxinar hasta que muerra seliquino y callandino como la pariente probe que s’escuende de les visites.
Lali García, Xixón
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo