Pueblos y costumbres de Ribadeva
Ello qu'el conceju de Ribadedeva, tamién lIamáu por los sus vecinos Ribadeva, tien pueblos y pueblucos que tán entre la mar y el Monte; va jablar d'ellos y de las sus costumbres nel modu como parlaban los antiguos que vivían allí, que tien pocas estremezas col asturianu del Saliente más corriente y col cántabru común; esos sitios –que, amás, tienen muchos barrios– son Andinas, Boquerizu (el nombre antiguu d'esti pueblu é Porquerizu), Bustio (el más marineru), Colombres (col barriu d'EI Peral y otros), La Franca, Pimiango (o Pimiangu, como tamién dicían; cuando la francesá, cada bandu taba nuna oriella d'eI ríu Deva y cuando colaren, los de Napoleón mataren a muchos vecinos del pueblu), La Jaya (el nombre del barriu é asina, El Haya é un topónimu finu que no é el de verdá), Noriega (con muchos barrios, el más nombráu el de Bojes), Vilde y Villanueva.
Las costumbres de Ribadeva son, como el modu parlar, mui apaecías a las de los pueblos llaniscos: la gente del valle, va tiempu, cuntaba cuentos de cuélebres, anjanas, ojáncanos, diablos... Y las juentes enramábanse a la tarduca del día San Juan; amás, los mozos enramaban las casas de las mozas que lis gustaban.
El víspera de la función del pueblu plantábase una joguera [un árbol], y otras veces ello tamién jacíase pa emponderar a indianos. Otras costumbres son tocar ramos, las deshojas o escapullas, beber sidra, las magostas pa comer castañas, I'antroxu (en castellanu, Carnaval; en Ribadedeva dizse tamién entrolu, antruidu y antruíu), los aguinaldos...
La jabla y las costumbres de Ribadeva, más la jabla que las costumbres –tovía se tocan ramos y se plantan jogueras–, tan quitándose, pos la gente ya no parla como parlaban los hombres y mujeres d’antiguamente. Pero la cultura d’un pueblu, pa ser cultura de verdá, tien que caltener las palabras que s’usaban pa llamar a los animales, a las cosas del campu, a las frutas, a los árboles, a la gente, a los sitios, a lo que se diz o se piensa... a tou.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo