Maltratu a los nuesos mayores
Carmina tien 87 años, fai tiempu, la fía metióla nuna residencia; agora, cola crisis y el paru familiar, tornaren a recoyela pa cuidala en casa y gracies a la so pensión vivir toos. Existen munchos casos comol de Carmina, esti ye tan solo un exemplu de lo que ta pasando cola xente mayor. En tiempos de bonanza los vieyos estorbaben porque, como había dineru a espuertes, la so pensión nun daba ni pa pipes. ¿Qué pasa agora? Desapaecieren esos sueldazos de nuevos ricos, desapaecieren los chales, los coches caros, les vacaciones a sitios exóticos; Poro, anguaño, hai abondos casos nos que solo pola pensión la familia tien a los sos mayores en casa, sobremanera aquelles nes que tan toos en paru. Pretenden vivir de la pensión de los que tuvieren tola vida trabayando y que tienen bien merecíu un descansu. En dellos casos inclusive tráenlos a la fuercia pa casa obligaos, porque na residencia encontraron el cariñu que yos faltaba en casa y siéntense meyor ellí. Y si amás puen facer un güertu, meyor que meyor. Paguen la lluz y lagua y, si sobra, pa xintar y echa-y 10 eurucos a la furgoneta estartalada. Los vieyinos, que nun principiu dexaron con tanta pena a los sos vecinos, les sos cases y pueblos, anguaño que tan adautaos, son de nuevo mariaos y humildaos. Poro, lo meyor que podíen facer ye mandar a paséu a esos que quieren sacalos pela fuercia y quedase na residencia, que-yos lo dan tou fechu. Si enantes estorbaben, agora la familia que saguante y que sapañe como puea. La vida da munches vueltes.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo