Al númberu 10 de la llista d'IX
Bien me prestó lleer la to carta y tengo de dicite que nun pueo tar más d’acuerdu contigo. Nun soi a entender cómo los que se consideren socialistes o comunistes puen tar nel PSOE o votalu, cuando esi partíu, como tu dices, nin ye socialista nin ye obreru nin representa yá’l valor principal que llevó a Pablo Iglesias a la so formación: acabar col capitalismu. Eso yera, y tendría de siguir siendo, el llamase socialista o comunista. Lo del PSOE ye una de les mayores llaceries pa la clas trabayadora, esplotada, oprimida o como la quieras llamar; y Felipe González y tolos cabezaleros d’esi partíu naquella dómina y nesta, otru tanto de lo mesmo. ¿Acuérdeste cuando na reconversión industrial zarraben empreses públiques un día sí y otru tamién? ¿Y cuando, como nos meyores tiempos del franquismu, echaben a les fuercies d’orde públicu a dar palos y más palos a los obreros que taben defendiendo’l so puestu de trabayu?
Pero quedasti un poco curtiu, pues solo dices que’l PSOE ye un partíu qu’agora nun pasa de ser lliberal, cuando tendríes de dicir que ye un partíu capitalista, que ta del llau de los capitalistes y rindíu a ellos; ¿pero qué ye qué nun t’acuerdes de la semeya de Zapatero con Botín, los dos en mangues de camisa y con tirantes en plan «colega»? ¿Y de cuando Felipe González dixo que marchaba d’un conseyu d’alministración d’una de les mayores empreses llétriques, onde-y pagaben en condiciones, porque dicía que s’aburría?
Pero lo malo, o lo peor, ye que toa esta refugaya, si facemos casu a les encuestes, va volver ser el partíu mayoritariu n’Asturies. Tal paez que los paraos, les families onde nun entra un euru, los trabayadores que con un contratu de trabayu de cinco hores, que ye pol que-y paguen, pero que trabayen diez, los que tienen un sueldu-basoria, los que tan temblando de que los echen por qu’al capitalista que los esplota nun-y paeza que gana abondo, los que tienen una pensión que nun-yos da pa llegar a la fin del mes; tal paez, digo, que munchos d’estos van siguir votando al PSOE. ¿De verdá creerán que Javier Fernández va facer dalgo por ellos? ¿Piensen qu’esi guah.e d’«insoportable levedad» que ye Sánchez va ser a arreglar esto?
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo