Gracies a IX por otros cuatro años de Javier Fernández
Eso ye: gracies por regalanos otros cuatro años de Gobiernu de Javier Fernández. ¡Como sinón tuviéramos ya abando con tolos gobiernos que tuvimos dende'l PP-URAS d'esta xente que s'autonoma socialista ya obrera!
Pero, claro, como con sólo ayer dicir Podemos yá se vos revuelve'l bandullu, pues tomastis el determín, primero de nun proponer candidatu a presidente del Principáu (nun fuera que vos votaran) y, segundu, en cuentes de tener qu'escoyer ente Javier Fernández y Podemos, prestóvos más que la escoyeta fuera ente'l PP y Javier Fernández, asina nun teníeis de votar por Podemos y, claro, ente'l PP y Javier Fernández la cosa yera más fácil: votar por un partíu capitalista, como ensin dulda ye esi del que Javier Fernández ye secretariu xeneral. Y dempués de facelo, quedatis tan contentos.
Tenía de davos vergoña lo que ficistis, que nun foi más que vendevos al candidatu "socialista ya obreru", a esi que tuvo tapando'l dañu económicu del "casu Marea" na Conseyería d'Educación tal tiempu que pudo. ¿O sabéis vosotros de que diera arde, por propia entamadura, de pescudar esi dañu?
¡Pero que vos voi dicir a vosotros de corrupción, cuando toas tenemos na cabeza'l casu de los "monolitos" que-y costó'l puestu a unu de los vuestros!
Y los pautas. Tolo qu'apautastis con esos capitalistes ye papel moyao, que pa lo único pa lo que vos val ye pa llavavos la cara énte lo inxustificable: vendevos al partíu de Javier Fernández. Yá mas esplicareis cómo vais consiguir que'l nuevu presidente cumpla colo apautáu, cuando pa ello sólo teneis cinco diputaos na Xunta Xeneral y él, si la cosa se pon fea, como nel casu de los Presupuestos, siempre tendrá'l PP.
Y tocante a la privatización de servicios, qué. Pues nada, porque cuando vosotros tuvistis nel Gobiernu con Areces, nun vos vi facer nada escontra d'esa política. Como tampoco nun la ficistis escontra la política de los nomamientos a deu de funcionarios, que magar toles sentencies del Tribunal Cimeru de Xusticia del Principáu d'Asturies y del Tribunal Supremo sigo ensin ver que se convoque concursu de méritos dalgunu pa cubrir los puestos qu'enantes se cubríen a deu.
Asina que gracies a vosotros vamos tener más de lo mesmo: cuatro años d'un presidente al que-y da perceguera aconceyase colas representantes de les asamblees de trabayadores en llucha y prefier facelo colas sindicatos burocratizaos que controlen a los trabayadores en beneficiu de los capitalistes, colas que se lleven tan bien, como son UXT y CC OO. Por cierto, Gaspar, ¿contasti les veces qu'apaez la pallabra "obreru" nel programa electoral d'esos que se llamen socialistes ya obreros que nun seya nel nome del partíu?
Güei hailos que si van tar bien gayasperos (magar que reburdien un poco polo del qué dirán: tolos capitalistes que viven de y esploten a los que viven equí).
Y p'acabar. Gaspar: soi funcionariu, trabayé pa l'Alministración asturiana con gobiernos del PSOE, del PP, d'URAS y del PSOE-IX, y tovía ando a la gueta de dalgún estremancia ente ellos.
Asina que lo dicho: gracies a IX por otros cuatro años de "socialismu" y "obrerismu".
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo