Villalta, póngase seriu, el Santiagu ye d'Ayer
D’entre las entidaes deportives ayeranes, ye’l Santiagu d’Ayer quien ostenta’l privilexu de la máxima categoría; sofitá per 220 socios, l’oxetivu tà nos 300, tres entusiastes directivos más una de raza «tsubu», istalaciones propies y caleyando’l nome d’Ayer per to Asturies. La propiedá arrastra un improbu trabayu de mantenimiento, l’andecha y’escosa y les necesidaes abondes.
Conceyos d’Asturies y de la vecera CyL, con demografía asemeyá a la d’Ayer, disfruten d’un sofitu istitucional muy per riba del que se-y dá a la cimera entidá deportiva ayerana, pa exemplu val-y el del so coyaciu socialista, Susi, en Bembibre.
La torga que nos ocupa, nesti casu, nun ye de calter pecunial, ye de nidia-xusticia col Santiagu d’Ayer.
Nes istalaciones deportives de Caborana tá colgáu un cartel que diz: «Estes istalaciones son de tos los ayeranos, el tu derechu ye disfrutales, el tu deber curiales».
Pues mira por ónde, don Gabriel, el Santiagu d’Ayer nun tien manera. Punxo de so parte’l conceyal responsable, recurriose al secretariu del partiu nel gobiernu ayerán y nun se topó manera desfacer l’enguedeyu. Al Santiagu d’Ayer, per mor del trabayu/estudiu de los xugaores, fai falta entrenar a partir de les 8 la terdi, tan dispuestos a facelo nel anchu’l prau y asina compartir con otros equipos ayeranos el derechu que yos confier el cartel.
Pol improbu mantenimiento del campu Villanueva, ye d’abonda xera permiti-yos entrenar en Caborana y a vegaes nel «poli» Sotiello. ¿Entendiolo, don Gabriel? ¿Sí? Pues póngase seriu col asuntu.
José Aníbal García de Vega, Moreda
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo