Maltratu a la muyer
Cientos de muyeres del nuesu país son maltrataes, acosaes e inclusive asesinaes con arma blanca o colos puños a manes de la so pareya o expareya. En dalgunos casos son muyeres que durante tola so vida sirvieron al home, fueron sumises, atentes, cuidadores de la casa y de los fíos, y un pocu ignorantes na parte económica, ya qu'él, ye'l que manexa a la so manera les perres y lo esbaría no que mas-y peta.
Amás de too esto, nun son capaces de conta-ylo a daquién por culpa del mieu, y les amenazaes que sufren per parte del home, con toles consecuencies que trai. Hai casos nos que los familiares nun son un gran apoyu, pos echen-y la culpa a ella de tolo asocedío: foi por nun obedecer o por lleva-y la contra al so maríu.
Acaldía que vemos les noticies dan mayor númberu de casos d'apuñalamientos, insultos, palices, etcétera. Como'l casu del pasáu domingu 8 d'ochobre de 2015, que mataron a una muyer delantre los sos fíos de 4 y 7 años. Los fíos son unas víctimas más y sobremanera la parte que más sufre, porque quedan marcaos pa siempre, sobre too a la hora d'alcontrar una persona cola que compartir la vida, el nun ser capaz a cuenta de la inseguridá de que-y asoceda lo mesmo.
Hai que camudar sobre too les penalizaciones contra'l maltratador, por exemplu la publicación de les sos fotografíes y l'aumentu de la condena.
Amás, l'ayuda a la muyer podría ameyorase dalgo más ensin necesidá de recurrir como primer recursu a la denuncia. Cada vegada qu'oyímos un anunciu o una noticia sobre'l tema dicen qu'hai que llamar al 016, y ta mui bien lo de llamar, pero ¿probaren a ponese na piel de la que llama?, ¿por qué-y dan como única y esclusiva solución recurrir a la denuncia?, ¿cómo nun intenten de primeres aselala, escuchala y entendela?, ¿nun puen amás aconseyala y dexase de metese en karaokes, qua lo que paez sirven pa bien pocu? Por exemplu: dici-y qu'abandone'l llar y proporciona-y cuanto antes una casa d'abellugu pa ella y los sos fíos. Primero la vida, dempués les denuncies.
Sandra Rivera Machargo
Piloña
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo