Los famosos carteristes
Aprovecho esti mediu pa condergar los robos qu'asoceden a diariu peles cais d'Asturies, pa los que nun s'atopen soluciones o nun quieren atopales.
El llunes, en L'Infiestu, un paisanu taba mercando na plaza cuando, de sópitu, averóse-y un neñu a entruga-y la hora al empar que-y esplicaba que tenía que garrar l'autobús. Mientres, otru per detrás robó-y la cartera con toles perres de la pensión que fora a cobrar unos minutos enantes.
Acaldía son más los carteristes que s'atopen peles cais y que s'aprovechen de los turistes y de la xente mayor. Nun s'entiende como estos delincuentes puen siguir actuando a les sos anches, faciendo dañu a la xente, ya que la mayoría de les persones, como ye'l casu del paisanu de L'Infiestu, que vive d una pequeña pensión, pue qu esti mes yá nun tenga nin pa comer. Esti actu delictivu de robar carteres coles perres, la tarxeta de créditu o'l móvil tien como consecuencia que la xente mayor, y non tan mayor, ande con mieu cuando sal a la caí. Ye bien verdá qu' hai muncha xente pasando necesidaes, pero nun pue ser que la solución seya a costa de la xente que trabaya y s'esforcia por sacar una familia alantre, pa que dempués vengan y te lo quiten una d estes mafies, que, dichu seya de pasu, tienen amenazaes a les persones que faen los robos, en dalgunos casos cola amenaza de face-y dañu a la so familia. La mayoría les veces, estos lladrones los xefes nun roben por necesidá, sinón porque ye l camín más fácil. L'Estáu ufierta dalguna solución pa la xente que verdaderamente roba pa comer, al traviés d'ayudes d ONG como Cáritas o Cruz Roja, colo que puen evitar cayer en manes de les mafies.
Respeutu a les mafies, yo agora, pregúntome, ¿qué clas de xusticia tenemos? que cuando los pilla la policía entren por una puerta y salen pela otra? Pero como dicen nel mio pueblu: la cartera y el reló, el suañu del lladrón.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo