L'estáu deplorable d' Internet
Quixera falar acerca l´estáu deplorable de les telecomunicaciones, principalmente en Piloña, quixera quexame en nome de toles persones que tan descontentes col mal serviciu de les compañíes telefóniques.
El primer puntu que voi tocar ye la baxa velocidá nes conexones:
-Tuvi investigando la conexón del I.E.S de LInfiestu, el mio primer oxetivu. Estos son los resultaos, sinceramente pa echase a llorar. IES Infiestu. Ping: 220.00ms. Velocidá de baxada 0.08 Mbps (10.62KB/s). Velocidá de subida 0.11 Mbps (13.57KB/s).
Como podemos ver el Ping ye increíblemente altu y la velocidá de baxada nun ye lo suficiente ni p'abrir Google, irónicamente ye más baxa qu'un módem a 56 Kbps de los 90´s.
Lo que me lleva a tocar el puntu númberu dos de la mio llista.
-Toles persones que contraten dalgunos servicios como ADSL o fibra tan pagando un serviciu abondo caru y pocu rentable, la opinión mía sincera ye que les compañíes tienen interés en potenciar les comunicaciones nes grandes ciudaes, porque muncha xente contratal serviciu (por exemplu, la fibra), pero non nos nuesos pueblos, porque pa ellos nun ye rentable.
La mio reflexón básase en que nun esiste bona alternativa p'algamar una conexón ESTABLE, BARATA, RENTABLE Y DE VERDÁ.
Quixera facer un llamamientu a toles persones de Piloña: que se quexen y que se muevan, porque tenemos drechu toos, dende los que vivimos nes grandes ciudaes hasta los pueblos más alloñaos, a poder abrir el nuesu Smartphone o portátil y garrar WI-FI (tantu públicu como nuestru) de manera económica, llibre de timos, estable y de calidá, pa promover les comunicaciones, meyorar la cultura y les nueves teunoloxíes pa tolos asturianos ensin necesidá de danos voces o usar un ADSL que funcione como Módem de 56 Kbps del 98.
¿Cómo vamos movenos? Esixir a les compañíes telefóniques meyores condiciones; buscar otres alternatives pa conectase a internet, más barates; usar conexones colectives entre les persones de confianza; y esixir un serviciu xustu, pagar polo que tienes, y no por algo que se paez.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo