El fútbol femenín
Aprovecho esti mediu pa espresar el mio enfadu porque nun se-y da apenes importancia al fútbol femenín. ¿Qué ye un deporte solo masculín y les moces nun merez la pena que xuguemos? Solo televisen los partíos masculinos, de los femeninos televisen únicamente los mundiales y amás, non nuna cadena principal. Nun pescancien qu'una xugadora española nomada Vero Boquete ye la 4° meyor xugadora del mundu y mui poques persones saben quién ye, al contrariu de cualquier xugador de fútbol masculín, que digas cual digas a casi tol mundu-y suena. Hai poco foi'l mundial de fútbol femenín onde participó España y casi naide les sofitó, porque de xuru que casi naide lo sabía.
Sería xusto que se-y diera más importancia, información y publicidá, yá que son mui bones y precisen fuercia pa, llegáu'l momentu, algamar lo que se propongan. Espero que tolos medios de comunicación ya instituciones sirvan dexemplu, porque la llucha contral machismu nun ye solo bones pallabres, y que dalgún día esti mundu camude y se-y de la mesma importancia al mesmu deporte, ensin tener en cuenta'l xéneru.
Alba Martínez Vega, La Parte (Piloña)
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo