L'abandonu animal
Tolos díes apaecen abondes noticies tráxiques d abandonu de dellos perros y gatos; les redes sociales arden con semeyes de cares murnies que solu esperen tener daquién que-yos cuide y-yos dea de comer; pero los animales son daqué más que seres vivos, ¡son collacios que nunca te daríen la espalda y que siempre tarán ehí: cuando te pones malu, cuando tas triste!
Cuando abandones a dalgún animal esti sufre muncho y, anque pensemos que non, lloren y puen llegar a tener depresión, como una persona; los animales de compañía tan fechos a los homes y muyeres que-yos dieron el so primer cariñu y qu al mercalu o adoptalu comprometiéronse a cuidalu.
Nel mio pueblu un paisanu que tenía un perru morrió, y el perru, a partir desi día, diba toles mañanes al cementeriu a echase enriba de la tumba del so dueñu y llueu volvía a una casa onde lu acoyeran y-y daben de comer.
Almiro a eses persones voluntaries que trabayen nos albergues ensin esperar nada a cambiu, que cuiden y dan-yos de comer a esos seres vivos de cuatro pates que tantu lo necesiten.
Cuando vayáis a comprar o adoptar un animal, pensalo bien, porque nun son xuguetes dun día sí y otru non, y aprovecho esti mediu pa pídovos a tolos lectores que si yá tenéis un perru o gatu, o si tais pensando en tenelu, vos comprometáis a cuidalu.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo