Pacón antroxando por Xixón
Andando Pacón de Antroxu, él, que siempre fue un buen trastu, nun puso disfraz algunu, ya lu tién puestu tol añu. Agora que ya ye vieyu, anda tou esgarrapáu, y lleva los sos calzones con un cordel amarraos, la bragueta siempre abierta, sin un botón abrocháu que la faga más discreta; la camisa remendá, cosía de mal manera, y sin meter la faldeta.
Un día que de eses traces antroxaba por Xixón, topóse sin esperalo con la que siempre soñó -Casildina nel su tiempu, Casildona a día de hoy- y entós, en sin esperalo ella, y a puntu de tropezalu, echo-i una güeyaduca rápida de arriba abaxu, fijando la so atención, nel ventanu que lleva to pantalón, y viendo que taba abiertu enseñando el interior, solto-i muy guasonamente: "¡A ver si mires, Pacón, que lleves la puerta abierta y en sin echa-i la pesllera, mientres andes caleyando sin mirar nin date cuenta, de la risa que provoques en la xente que te alcuentra!".
Entós Pacón, que aunque vieyu no-i patina la mollera, entendio-i la so indirecta, y tan prestu como un rayu contesto-i de esta manera: "¡La puerta que tú comentes nun necesita pesllera, que en esa casa nun viven, la que vivió, ya ta muerta; así que nun te preocupes si tien la puerta piesllá o si siempre queda abierta, que de ahí nun sal ni el gatu por muchu ratón que güela o la venga a provocar a la mismísima puerta".
Casildona, que quería toma-i el pelo a Pacón, como si fuese un mazcayu, salió de allí mal pará y presta como el mismu rayu, al ver que Pacón ye vieyu, pero no ye un mentecatu del que se puean guasar y tratar como a un pazguatu, por muy mal vestíu que vaya o asemeye ser un trastu, ya sea tando de Antroxu o en otru día del añu.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo