La banda "El Gumial" (Aller)
Lléguenme noticies del mio conceyu allerán, a través del teléfonu y les redes sociales (muy moderno esto), de les cuales nun salgo del asombru. Según paez, un vecín de Caborana denunció a unos rapaces por facer munchu ruíu tocando el tambor y la gaita (manda güevos, dixo un políticu), pues eso, manda narices que a unos aficionaos al folclor asturianu, en este casu allerán, que se sacrifiquen díes y hores en llevar con orgullu el nome del conceyu, se les denuncie porque el local nun ta insonorizáu. ¡Home!, salvo que el denunciante o algún familiar suyu té enfermu o que el trabayu le imponga dormir a les hores del ensayu, nun alcuentro motivu pa presentar la denuncia. Seguro que sus razones tendrá, a les cuales nun llego.
Según mis informantes, el asuntu ye otru. A estos aficionaos al folclor llamaos banda de gaites "El Gumial" (ahí ye ná, "El Gumial"), prometióse-yos por parte del rexidor y la so corporación nel Ayuntamientu el insonorizar esi local, y agora, dempués de tantu tiempu, dicen nun tener perres pa la obra (manda güevos). Yo creo que perres hailes, ¿cómo nun les van a tener? Lo que pasa ye ónde les gasten, y, sinceramente, invertiles, en esti casu en cultura, ye invertir bien. Nun olvidemos que "El Gumial" represéntanos a tolos vecinos del conceyu. La so categoría ye de fama reconocida per mui lloñe d'Aller.
Personalmente, conocí al señor alcalde peles fiestes de los Humanitarios de San Martín, nell añu 2007, premiu "Príncipe d'Asturies". Luego, en años sucesivos, tratelu nelles míes asistencies a la fiesta mientras la salú me respetó. La última vez que falamos foi con motivu de la so presencia, nel añu 2015, nel Centro Asturiano de Valladolid, cuando celebramos el añu cultural dedicáu al nuesu conceyu. Así que conózcolu de falar. De lo que comenten los vecinos de la so xestión y lo que leo nos medios de comunicación, resérvome la opinión por educación y cortesía, pos entiendo que nun ye el casu a tratar.
Sé que la Asociación de los Humanitarios, por mediu de la so presidenta, Esperanza, ofrecióse pa llegar a algún alcuerdu, incluso el so local sería una alternativa.
Así pues, desde la distancia y como amante del folclor (formé parte con 16 años del primer grupu de bailes rexonales en Morea, la Sección Femenina), pido, solicito e insto a les partes a sentase alredor d'una mesa y llegar a un alcuerdu satisfactoriu a favor de "El Gumial", en especial al señor rexidor.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo