Retrasar la edá de xubilación
Quiero Demostra-yos güei que los nuesos políticos cursaron EGB. "Para Podemos y parte del sector críticu del PSOE, ye'l PP el que s'impon dando llugar a una coalición de fechu", afirma'l periodista. "Eso nun obedez a la realidá sinón que ye un allugamientu orgánicu, pero paezme más engañador el principiu de realidá. El PSOE consigue meyores y Podemos critica, asina que tou nel so sitiu...", respuende Eduardo Madina. ¿Enteráronse ustedes de daqué, sí?. Yo de nada, esculpen el mio supina ignorancia: -Nin el PP imponse, nin se da la coalición ello ye que nin saquen provechu del allugamientu orgánicu. Eso nun obedez a la realidá. Pura fantasía metafísica-. ¿Danse ustedes cunta de lo que ye terminar los estudios primarios?. Y, yá nun digo, si como Madina empieces bachiller: -l'engañador principiu de realidá..., el PSOE consigue meyores (tien de referise equí a les encuestes d'intención de votu)-. Asina que tou nel so sitiu, porque como dicía'l magu aquél, tou ye productu de la to imaxinación (de la nuesa), esto ye. Yá dexé cayer n'otru artículu qu'estos carecen d'esquizofrenia. ¿O non?.
Anque'l Bancu d'España nun tea en situación de dar conseyos a naide, el so gobernador, Luis Atieste, aconseya retrasar la edá de xubilación a los 77 años, dada la precaria situación financiera de la Seguridá Social. ¿Va Llegar don Luis a algamar tan allampada cifra capicúa?. El siete, que ye un númberu tranquilizador, tamién ye un númberu más qu'el 6, y yá sabemos toos que trés vegaes seis da yuyu, porque anuncia la llegada del Anticristu. Qué más da quién nos gobierne si los platos rotos siempres los pagamos los mesmos de siempre. La cita, que taba programada polos lumbreras del gobiernu pa xubilanos a los 67 en 2.027, nun paez gusta-y a Llinde. El gobernador quier afaenos el traxe a la midida. Diz que desincentivar la xubilación antemanada y dexar la xubilación percima de los 67 años, tendría efectos positivos sobre la sostenibilidá financiera. A esa avanzada edá, ye posible que los improbables pensionistes, non podamos sostener.
En Rumania los políticos atoparon un métodu pa combatir la corrupción muncho más directu, menos sofisticáu, qu'el d'españoles de dir saltando del xuez a l'Audiencia y de l'Audiencia al Tribunal Supremu onde los esperen, finalmente, pa da-yos un fuerte abrazu, los sos amigos queríos. L'Executivu socialdemócrata rumanu, adoptó por aciu un decretu d'emerxencia, una polémica llei que despenaliza delitos de corrupción en Rumania, cuando'l valor de sustraíu nun supera 44.000 euros. Lo que va beneficiar a numberosos políticos, ente ellos el líder del Partíu Socialdemócrata (PSD), Liviu Dragnea. Acabáramos. Namás adoptase la normativa, decenes de miles de rumanos, que nun taben henchidos precisamente d'alegranza y allegría, salieron cabriaos a protestar a les cais. Al pan, pan. Y a'l vinu, vinu. A ver si aprienden d'una vegada los políticos españoles a llamar a les coses pol so nome: Liviu Dragnea.
El Airef, qu'anque lo paeza nada tien que ver col aire, agora que soplen malos aires pa los pensionistes. Según l'Autoridá Independiente de Responsabilidá Fiscal les pensiones van perder el 7% del poder adquisitivu hasta'l 2.022. Una ganga. Que nun supla la llerza. A la entrada de los supermercaos si s'afiten bien hai carros metálicos de considerable tamañu con ruedes, pa efectuar compres de gran volume. Pa les pequeñes hai cestes al llau de les caxes. Negros nubarrones acúrrense sobre nós, pero nun debemos esmolecer, si hai cerca una tienda de chinos. El mínimu llegal que xuben cada añu les pensiones, ye cantidá que nos dexa mercar ellí un paragües de los baratos, de los que cuesten aprosimao dos euros.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo