Amar ensin complexos
La RAE define la homofobia como’l refugu a la homosexualidá o a les persones homosexuales, pero sedría más acertao definir esto como l’odiu a la llibertá yá que esto ye lo que verdaderamente ye.
Los humanos tamos tan acostumaos a siguir les conductes del pasáu, a lo cual llamamos tradiciones, que nun queremos ver aquello que les trespasa porque nos asusta pensar que lo nuevo nun pue convivir colo d’antaño, porque nos da mieu tolo que ye distinto. Tenemos qu’aceptar que los humanos somos humanos n’igual estaya, ensin importar relixón, raza o orientación sexual. Non porque nos guste una muyer siendo muyeres o un home siendo homes somos menos que naide. Como perbién sabemos a estes altures, l’amor nun estrema ente sexos, edaes nin cultures.
¿Cómo podemos llamar una sociedá avanzada cuando entovía ponemos milenta pegues porque una pareya LGTBI puea formar una familia? Una familia homoparental ye igual de normal qu’una familia tradicional: la única diferencia qu’hai ye que los neños suelen medrar nuna redolada enforma más llibre no tocante a pensamientu d’igualdá ente los seres humanos. Crecer teniendo dos pas del mesmu sexu nun significa qu’un neñu tenga asegurao que sía nun futuru parte del colectivu. Esto llévame a otru puntu que quiero esclariar. Les persones LGTBI, desque nacen, tienen esa forma d’amar, sólo que tarden más tiempu o menos tiempu en dase cuenta y n’aceptase tal como son. El “salir del armariu” nun ye sólo una moda pasaxera, toes estes persones que tán dando esti pasu tan importante agora ye gracies a esos valientes que lu dieron enantes qu’ellos, hai tiempu, pa lluchar polos sos derechos, algamando que la sociedá dea pequeños pasos hacia una sociedá enforma más abierta. Anguaño, estes persones siéntense muncho más sofitaes y llibres pa xunise a la llucha de los sos derechos.
El nuesu oxetivu como sociedá ye consiguir la normalización del coleutivu. Esto significa que munchos países dean un pasu adelantre coles sos lleis y nun consideren la homosexualidá un delitu; esto significa que les escueles se comprometan a educar a los neños/-es na diversidá d’orientaciones sexuales qu’esisten; esto significa que tanto heterosexuales como homosexuales nos respetemos mutuamente; esto significa que toos podamos sentinos llibres d’amar a quien queramos ensin complexos.
Natacha Serrano (estudiante de Bachilleratu)
Colunga
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo