Villalta: Lada-Velilla, va tafu que dexa
L'engueyu, n'apariencia, ye perbón, los cabezaleros del PSOE lliunés y ayerán dicen non, los supercabezaleros del Gobiernu central y autonómicu si ¿quén tsevara'l guetu al calambrazu?
Nel casu ayerán, ye'l que me tseva xera, ¿nun tendrá na que ver con la próxima esbitsa elletoral pa dimpués char mano del "aú dixe non digo si".
Tando entendio qu'escurre dexar la política conceyil pa les "próximes" entruyo-ylo a usted don Gabriel, que per mor de veteranía en xeres asemeyaes pué retrucar, con bon criterio, al enguedeyu monteu col non, si a Lada-Velilla; o será cosa de facer un referéndum tipu OTAN, ¿acuerdase? OTAN d'entrá, non, de salía tampoco, non pero sí y no postrero foi sí que yera lo que naguaben cuandu dicien non.
Utru tema que dexa dúbies a esgaya ye'l referiu al anemómetru en Cotubellu, sabemos que ye pa medir la velocida'l vientu, pero ¿qué xera pue tener esti datu?, ¿nun dirán poner un llinde velocidá, radar y un municipal pa char multes?, o ye pa semar Cotubellu con una riestra molinos de los conocíos como d'enerxíes renovaes, esgatsaores de viesques y xostrezu visual (de los que manquen al güeyu); preocúpame'l tema de les renovaes, si atsugamos un molín tras utru, con la enerxía ¿qué facemos?, ¿cómo la transportamos? En cualquier casu va facemos falta un preseu transportaor, ye decir una tsinia ellétrica d'evacuación ¿a co'l Cotubellu cuántes tenemos?, ¿nun se dirá facer una nueva del trinque? Tengo la cabez'atsoriá, don Gabriel, esti enguedeyu pruye destorgalu p'antes de la próxima esbitsa, más que na, pa poer votar con algún conocimientu.
Un par de cosines más y fino, don Gabriel. Una d'estses ye refería a les famoses "medies obres", pa una vegá que'l equipu'l conceyu, ¿sabe?, el Santiago d'Ayer, tien que xugar al tapecer, fa-ylo fora'l conceyu per mor de que les cacareaes fasteres deportives del baxu Ayer faense a medies, el quempu sintéticu nun dispón de tsuz pa partios oficiales, grades, mexaeros, tribuna p'atechase o tar senteu... Cuandu entamen facer la piscina procura-y tsenala, que'l agua pe lo menos xuba per riba'l xinoyu, nun ye lo mismo facer una piscina que un "xarapaeru".
La postrera ye'l asuntu la "pasarela'l mieu", ¿tan abegosu ye d'iguar? Dexar el paramentu que da al riu con la mitá'l traslúcidu, quitar la estaya d'arriba y dexar la mitá d'abaxu; gánase visibilidá, tsuz natural y renová, l'arroxu que dan los dies soleyeros y sobre to'l mieu a topase con lo que un nun quier, pa eso ¿cuántes vueltes fay falta day a la boina?
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo