Navidá unilateral
La Navidá, les Pascues, el Nadal.
Tolos años vien al terminase l'avientu.
Tamién na "República unilateral"
ye lo que toca nesti tiempu.
Esi que llamen "Puchdemón"
bien podía peinase.
Dende que lu comió Ramón
dio-y tiempu de sobra a pelase.
Tien que ponese curiosu
por si sal otra vegada presidente.
¿Qué ye eso de andar pel mundu ociosu
colos pelos tapando-y tola frente?
El Oriol ta pa Estremera
y los Jordis presos tamién.
Non y-os presta la xintadera,
non acaba de senta-yos bien.
La Forcadells diz qu'acata
que la declaración yera un cuentín.
Non vayáis tomala per fata,
que-y presta bien xugar col Piolín.
L'asuntu tien mala igua,
que si la razón ye pa mí o pa ti.
Charren, charren y nengún averigua
que tan de uñes por causa Dalí.
"nde se vio un xeniu desenterráu
tan guapu, tan tiesu, tan embalsamáu
cola barretina, el bigotín, el cayáu
nun sitiu tan finu y delicáu.
¿A qué coño vieno la pitonisa,
a toca-yos les narices?
Home, non ye pa tomalo a risa
qu'anantes taben tan felices.
A ver qué pasa esti añu qu'entra
si la xente recapacita y centra.
Pero esa de Xixón, miéu me da
emperrada en ser fía Manolo Escobar.
Agora toca da-y al turrón
y echar unos cantarinos
col nacimientu, l'espumillón,
los güelos y los rapacinos.
¡ FELICES PASCUES!
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo