El Casu del Día d'Asturies
El resarcimientu de la celebración del día d'Asturies en Casu pa beneficiase del problema ocasionáu pol argayu, pue ocasionar más perxuicios que beneficios. Ye una perbona noticia facer el día d'Asturies en Casu, pero non n'esta vegada. Hai dos formes de vendelo, la política o la turística. Respeutu a esta última, sería vender el territoriu, la zona, la hostelería, los museos, les rutes, "el pantano". ¿Cómo ta güei to esto? El pantano en puntu muertu y con poques posibilidaes de vender turísticamente (ensin poder bañarse nél y con tantes canoes como xente pue venir en un autobús), los museos mediu cerraos, les rutes ensin desbrozar y con casi nula señalización, etc., amas, na última Vuelta Ciclista España quedó demostrada que nun hai suficiente aparcamientu p'acoyer a tantos visitantes. Esti sería'l razonamientu turísticu. Agora vien el razonamientu políticu, "día de Asturias en Caso". Vasu conmemorativu, folixa, semeya política y vender fumo de tres díes. Venta'n puestos artesanos de fuera del conceyu onde dexaran perres la xente que venga, aunque cuando marchen digan que hai pocu onde comer, les sendes nun tan mantenies. El pantano ta en desuso, los museos tan como tan.... Pero los políticos ya tienen la semeya pa vendelo políticamente. Vendrá xente, pero, ¿volverán?
Agora que ca’un piense si ye'l momentu apropiau que Casu acueye el día d'Asturies n'esta ocasión, o será meyor preparar el conceyu pal añu que vien o siguientes (aunque les silles politiques cambien). Qué ye necesariu que se faga esi día en Casu, tamos tos d'acuerdu, pero qu'esti añu seya el momentu oportunu yo dúdolo, ¿Y tú?
Iván García Fernández
La Felguera, Langreo
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo