Tamién tenemos derechu
Tengo 16 años. Considérome un chaval seriu, comprometíu y abondo responsable. Poro nun veo xusto que nun pueda conducir. El carné de conducir tendría que poder sacase yá a los 16 años, pos muncha xente como yo tenemos que depender de los nuestros pás pa poder dir a los sitios, pa movenos. Son munches les situaciones nes que con esta midida facilitaríase la vida familiar: pa dir al institutu los chavales que nun viven cerca, nel branu pa dir a la playa o a les fiestes, pa dir a entrenar al fútbol o a actividaes extraescolares...
Esta dependencia de los pás pue evitase camudando la llei. Asina los mozos y moces tendríemos más llibertá y fairíamos un gran favor a les families. Per otru llau, si empezamos a conducir antes yá tenemos más práctica pa cuando síamos mayores y, con ello, sabremos meyor lo que ye, asina qu’evitaríense munchos accidentes.
A lo meyor la solución ye poner un tipu de permiso con mayores controles. A min ocúrrenseme delles idees: que nun podamos andar con coches mui potentes, que la tasa d’alcoholemia que se nos permita seya 0,0%, ya que los menores nun podemos beber, o que nun pasemos de 100 km/h. Con esto bien podría facese una llei. En dalgunos países como nos Estaos Xuníos, por exemplu el Estáu de Kentucky, pue conducise dende los 14 años y nun se sabe qu’haya más accidentes por ello. Sicasí, en tolos países de la UE la edá mínima pa conducir ye tamién a los 18 años. Pero les lleis puen camudase y adaptase a los nuevos tiempos, y España podía ser pionera nesto.
David P. T. (IES Peñamayor, 4.º de ESO)
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo