Lenduro tamién ye un deporte
L’enduro ye una modalidá del motociclismu que se prautica mayormente en campu abiertu. Ye un deporte con poques ayudes y con abondes dificultaes, yá que, si nun dispones de munchos recursos, faésete imposible prauticalu, pos ye bien costosu; arriendes d’ello, ponen-y unes torgues que lu compliquen entá más.
Refiérome con ello a la inxusta llei que se vien aplicando dende hai tiempu: la Llei de Montes (Llei 3/2004, de 23 de payares, de Montes y Ordenación Forestal, art. 48) na que se prohiben les actividades motorizaes esceuto en circuitos o viales autorizaos. Ye tan inxusta la situación que llega al puntu de qu’endalgunes ocasiones nun se pue nin circular en bici pelos caminos. A ella hai qu’amestar otres lleis que también torguen la circulación de motos nos montes, como la de la Conseyería de Mediu Rural y Pesca, de 4 de xunu de 2010, pola que s’aprueben medies en materia de prevención de quemes forestales y ente elles queda prohibida, ente’l 1 de xunetu y el 31 de setiembre, la circulación de vehículos a motor por pistes forestales.
Per otru llau, esta llei nun ye l’únicu problema. Hai xente qu’anque sías respetuosu, vayas adulces y tengas cuidáu al pasar per onde hai cases, animales o persones, ódiate pol fechu de dir en moto, hasta’l puntu de llamar a la Guardia Civil cuando nun tas molestando, cuando nun faes nengún mal nin dañu; o inclusive lleguen a poner trampes, como pinchos nel suelu, piedres o cables a l’altura del pescuezu. Esto sí que ye delictivo.
Nun pidimos que se pueda facer enduro por cualesquier sitiu, pidimos que dexen d’escorrenos y de tratanos como delincuentes. Pidimos qu’haya sitios nos que se permita facelo ensin ser persiguíos.
El monte ye de toos
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo