La nuesa llingua materna
Tengo 15 años. L'asturianu ye la mio llingua materna, la llingua que falo. Fálola en casa, colos amigos, na cai, na escuela... Pero entovía güei tengo la desgracia d'escuchar a xentedicir que falar asturianu ye de paletos, ye de pueblu. Lo de paletos nun lo tolero. Lo de pueblu sí. Porque "pueblu" soi yo, pueblu somos tolos asturianos que sentimos los nuesos raigaños bien conectaos a la tierra, a la nuesa tierra. Si dalgo reflexa bien la cultura d'un pueblu ye la so llingua. Nun ver esto amuesa muncha ignorancia. Paez mentira que tovía teamos asina n'Asturies.
Dempués de tantos años de polítiques llingüístiques y de reconocimientos por parte de les instituciones, el mayor enemigu de la llingua siguen siendo los propios asturianos. Escuchar que la llingua de l'Academia ye "inventao" o que too ye pa beneficiase unos pocos, ofiende. En toles llingües, en toes, la normativización recueye les dixebraes formes de falar de la so xente. Xune estes formes de falar. Establez unes normes pa entendenos bien toos, pa enriquecer la propia llingua. Nun ye nengún inventu. Dicir eso tamién amuesa muncha ignorancia.
Per otru llau, hai quien diz que fomenta'lnacionalismu y l'independentismu, ensinembargu tenemos un exemplu bien cerca, Galicia, que tien una llingua reconocida oficialmente, la mayoría de la so xente nun reclama nenguna independencia y el nacionalismu tien un escasu ecu ente la sociedá.
La llingua ta perdiéndose por mor de les instituciones que la dexen morrer, y por mor d'un gobiernu que solo s'alcuerda d'ella nes eleiciones. Nun val xugar con una llingua lo que val ye lluchar por ella.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo