Seguridá necesaria nos campos de fútbol
Soi futbolista y tengo que falar d’un grave problema qu’hai en dellos campos de fútbol de munchos pueblos y ciudaes: l’espaciu qu’hai ente’l campu y les valles. Esti espaciu ye mui pequeñu, mide 1,5 metros, y yá son dellos los casos nos que los futbolistes se manquen, pero nun se fai nada pa evitalo.
El pasáu setiembre, yo mesmu quedé inconsciente pol simple fechu de que nun tuvieren acolchaes les valles o nun s’aumentara l’espaciu na RFEF (Real Federación Española de Fútbol). Xugando un partíu, echáronme una zancadiella nun sprint y cayí de frente escontra la valla. Tuvi inconsciente unos minutos, anque yo solo recuerdo unos momentos enantes del golpe. Depués, fui al hospital a facer una resonancia pa saber si too taba bien y asina foi. Al final, too quedó nun bon sustu y nuna mui mala esperiencia.
Ensin embargu, equí n’Asturies, en Navia, un guaje morrió por mor d’un golpe na tiesta, nun accidente asemeyáu al míu, tres tar unos díes na UCI.
Quiero llamar l’atención d’aquellos que tienen na so mano facer dalgo pa que nun haya más esti tipu d’accidentes, que como vimos puen ser mortales. Ye necesario que s’amplíe l’espaciu en tolos campos de fútbol o se pongan valles meyor preparaes, pero hai que facelo yá.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo