Descubrimientos y escritores
Los uropeos de va 600 años sabían que la Tierra era redonda, y los fenicios, cartaxineses, griegos y romanos sabían –pero pa muchos d’ellos los que lo cuntaban eran unos belurdiantes– que se podía arrodiar África (Heródotu IV, 42 y 43; Estrabón II, 3, 4 y 5; Pliniu el Vieyu II, 67). Ente esos marineros atrevidos o que los aires los llevaren hebo hispanos, que va más de dos mil años allegaren a Arabia (Plinio II, 67, 168-169) y al saliente d’África (Celiu Antípatru, citáu en Pliniu II, 169-170, y Posidoniu, n’Estrabón II, 3, 4 y 5).
Pero los llibros orixinales de Corneliu Nepote (en “Actos Exemplares”), Heráclides del Pontu y Celiu Antípatru onde sacaren esto perdiérense, no allegaren a nós, lo que vien a dicimos qu’esos viaxes gustaban pocu, y e que lo corriente era que perdieras la pelleya si no nel primeru sí nel segundu d’estos periplos, lo que, bien ciertu, tornaría a la marinería de metese mui adientro na mar.
Pasaren los siglos, inventárense la brúxula, l’astrolabiu y otros arbíos de navegar, y en 1434 el portugués Gil Eanes devoló la punta Boyador; en tós los barcos de la Península pudieren dir ya mui al mediudía y los aires ya los mandarían al continente que dempués llamóse América: asina Colón allegó a elli nel añu 1492 y Álvarez Cabral a Brasil en 1500.
Muchos morrieren tovía na Mar, pero los marineros portugueses y de la Corona de Castilla, que vivían en naciones mui atopadizas pa ello, tenían tres güenos motivos pa travesala y dir a continentes nuevos: marineros, obispos, reyes, armadores... querían ser ricos (o más ricos) y amás evanxelizar otras tierras, pero tamién ayudó a ello la lletura de los llibros de caballerías.
Diz l’académicu Manuel Alvar: “Aquellas obras disparatadas y mentirosas pudieron explicar la maravilla de la conquista, y hacer creer en la locura de aquellos alucinados que la Literatura era vida y que las andanzas cotidianas se podían convertir en las más fantásticas historias caballerescas”.
Esos llibros solían ser malos, pero ayudaren muchu a jacer grandes a Portugal y Castilla; estóncenes e tontu, mui tontu, echar per ellos ante tolos españoles cola propaganda del llibelu llamáu “El Quixote”, novela sacada por un repunante que amás empondera, nel capítulu sextu, la quema de llibros, de llibros que no-y gustaban a elli, claru. Pa Cervantes n’España tou era malu (Javier Neira diz que nesi llibru “el que no es tonto es bobo; el que no es taimado, pícaro, y todo en medio de un océano manchego de ignorancia y pobreza ( ... ), crítica, ferozmente antiespañola”), pero la verdá e que nesos años España era la potencia hexemónica nel Mundiu.
Na Lliteratura castellana échase más veces pelos jidalgos: en “EI Quixote” (el títulu del panfletu de Cervantes era “El jidalgu inxeniosu don Quixote de la Mancha”) pero tamién en “EI Llazarín de Tormes”, onde ponse pingando a un jidalgu probe, ello escritu nun tiempu onde los jidalgos (probes y ricos) y otros españoles taban n’América quitando el canibalismu, fundando universidaes, imprentas y ciudaes, iguando l’agricultura, la ganadería, el comerciu, la minería... Esti asuntu e tovía pior pa los asturianos y otros pueblos del Norte porque equí tós éramos jidalgos, los más d’ellos probes como el del Llazarín.
Si a tolos estudiaos aprendémos-yos lo malu d’España muchu más que lo güenu, ello ayuda jartu a que los españoles pensemos tan mal de nós, lo que ayuda muchu tamién a qu’esta nación pueda desapaecer un añu cualisquiera.
Bibliografía: Arenas, María: “Los libros de caballerías conformaron la mentalidad de los conquistadores del Nuevo Mundo”, “El Oriente de Asturias”, Llanes, 12-12-1987, páxina 3. Neira, Javier: “Dilema”, LA NUEVA ESPAÑA, 2-1-2006, páxina 2.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo