Cabrales, Carbes, Cáraves
De los topónimos muchas veces pue sacase cómo parllaban los que vivían equí mui antiguamente (o arrimanos a ello), como vamos ver colos nombres de sitios que vienen agora.
*Kar(r)- o *kal- son raíces que dan l’apelativu “(h)arri” [”piedra”, en vizcaín] y muchos topónimos como Carria, una peñona llarga que ta ente Alles y Trescares (en Peñamellera), y Calpe, el nombre antigu de Xibraltar, ciudá con otra peñona, el Cuetón de Xibraltar; Calpe era tamién un puertu de mar de la Tracia d’Asia al qu’allegó l’aventureru Xenofonte va 2419 años y que taba al pie d’un cuetu (Anábasis, VI, 4).
Pero, siendo tan nombráu esti Cuetón de Xibraltar, hai n’España un segundu sitiu con un monolitón más morrudu tovía, el conceyu alicantinu de Calpe (Calp, en valencianu), mui conocíu por El Peñón d’Ifach, qu’e el nombre d’esa picona, Penyal d’Ifac na lluenga d’ellos. Los sufixos –be y –pe, quieren dicir, en vizcaín, “lo de baxu, el pie”, de lo que sacaríamos el significáu d’estos Calpes.
D’estas raíces podrían entós vinir tamién (*kar(r)- + -be) Carbes (pueblu d’Amieva que ta debaxu de Picu Castiellu y Cuetu Mayu, dos picas que llaman l’atención), Cáraves (pueblu de Peñamellera su un cuetu que llaman la Llosa Vizcallana) y, con metátesis y sufixu abundativu -al, Cabrales, pos en Carreña, la capital del conceyu (Cabrales e namás el nombre del municipiu), hai dellas picas mui nombradas enriba la villa, La Corona la que más.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo