Torcas llebaniegas
Va unos meses LA NUEVA ESPAÑA sacó la razón, tráxica, de qu'apaecieren dos muertos en la Torca la Topinoria, que ta en Liébana, diendo p'Ándara; unu era d'una mujer que no se sabe quién era pero el casu e qu'allegó jasta nós la hestoria d'una moza que tiraren a esi mesmu pozu.
Ello qu'eran dos mozos y unu garró polos pies a una moza y otru pola cabeza, los dos la tenían sobre esa torca, porque los dos la querían, pero como no se podía casar colos dos, diz qu'ella dijo que quería al de la cabeza, y entós "pos el de los pies" dejóla y el de la cabeza no valió pa tener por ella, no jue pa tener por ella, y a la torca, que depués salieren los corales d'ella a la Fuente Trúea que ta n'otru puertu.
No sé si tendría que ver la muerta de verdá con esti sucedíu llexendariu, pero asina e como el 9 d'abril de 1989 Aurora Caldas, de Bejes (un pueblu del municipiu de Cillorigo-Castro) y de 85 años entós, cuntóme lo qu'ella sintió muchas veces, y ansina cúntolo yo agora, traínta años más tardi.
Dijo tamién que no s'asomaban a las torcas porque pa metelis miedu dicían que bía allá cuélebres, que bía esto, que bía l'otru; cuélebres bíalos en dellas torcas, como La Torca Joyulaespina y la Torca el Valle. "Decían que dejaban el rabu allá, que si sacaban el rabu después no acertaban a volver y... muchas cosas nos decían", tenían "esi miedu de que salían" y tiraban allá piedras y salía jumu, qu'era de las piedras.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo