La zona rural de Xixón queda ensin pan
Ente les midíes tomaes nel Ayuntamientu de Xixón (desconozco de qué rangu) ta el prohibir lo qu’ellos llamen la venta ambulante, polo que la Policía Llocal se dedicó nos postreros díes, ente otres coses, a controlar a los panaderos que, cola mascarilla y los guantes, repartíen el pan y el periódicu nos pueblos de Xixón. Según ellos, nun pueden facelo porque son venta ambulante.
Nes ciudaes la normativa distingue perbien ente les tiendes de alimentación (que siguen abiertes) y les que venden calcetos, por exemplu (que tan cerraes). Nel casu los pueblos non, meten nel mesmu caxón la venta ambulante de calcetos peles feries que’l pan de cada día.
¿Paez una babayada? ¡Pues non! A partir de mañana, la xente “teóricamente confinada nes cases” de los pueblos tendrá que baxar tolos díes a la ciudá a mercar el pan (son perpocos los pueblos que tienen tienda), les persones mayores (que son la mayoría), si nun tienen familia o tan trabayando, tendrán que baxar ellos a mercar el pan o pasar ensin ello. Como dicía mio güela, “ye peor el remediu que la enfermedá”.
La falta de empatía y el desconocimientu que les autoridaes tienen de los pueblos ye llaceriosa. Y eso que’l Ayuntamientu Xixón tien conceyal de zona rural... Lo que nun tengo yo tan claro ye que viva na zona rural.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo