La Primer República española
Esti réximen mandó n’España del 11 de jebreru de 1873 al 29 d’avientu de 1874. Ventidós meses y mediu namás, pero nesa vida tan corta unos cuantos jechos merecen que mos alcordemos d’ellos.
El 22 de marzu de 1873 las Cortes quitaren la esclavitú en Puertu Ricu, isla d’América qu’entós era una colonia española; 29.000 presones pasaren a ser llibres.
El 24 de xunu segundu de 1873, por mor del menistru de Fomentu, Eduardo Benot, aprobóse la primer llei d’España pa defender a los trabayadores, que reguló el trabayu de noche nos talleres jasta los decisiete años y echaba a la escuela a los críos y las crías obreras jasta los catorce. Benot porfió tamién pa que los Ayuntamientos pagaran lo que debían a los maestros (d’esi tiempu era el dichu qu’unu pasa más jambre qu’un maestru d’escuela) y fundó l’Institutu Xeográficu y Estadísticu.
La Primer República cabó cola rebelión cantonal que, mediu desapartista y más bien del merudía de la Península, era mui juerte porque los insurretos cuntaban cola flota de Cartaxena, que tenía, ente otros barcos de guerra, cuatro de los siete revistíos de jierru d’España, una nación arrodiada de mar per casi tolos senes.
Y barcos d’ella salieren a la mar pa ganar más provincias, pero el presidente, Nicolás Salmerón, declaró el 20 de xunu segundu de 1873 “pirata y presa güena” esa flota de Cartaxena y con ello los sos barcos podían ser prindaos o jundíos, dientro o juera d’aguas españolas, pola Armada de cualesquier país. Tres díes dempués, el capitán de navíu alemán Reinhold Werner, que mandaba una escuadra angluxermana, prindó el vapor de guerra “Vigilante”, del Cantón de Cartaxena (y el primeru d’agostu otru barcu más). Con ello, los otros barcos cantonales ya tevieren qu’encuevase casi siempre en puertu, y el 12 d’eneru de 1874 capituló la plaza de Cartaxena, l’últimu que-yos quedaba a los insurretos.
Nesos cerca de dos años hebo cinco presidentes del poder executivu de la República, cuatro d’ellos escollíos polas Cortes y un quintu poníu pel xeneral Pavía dempués d’un pronunciamientu melitar. La so bandera era la collorada y mariella d’hoi. Pero otru pronunciamientu cabó con ella, el del xeneral Martínez Campos, y golvieren los Borbones.
La Hestoria no la jaz la xente, sino unos pocos hombres y muyeres; lo que jezo Werner no gustó en Berlín y el canciller alemán Bismarck quiso llevalu a un conseyu de guerra. Los estaos suelen siguir el dichu “divide et impera” (desaparta y manda): e de lo más corriente que París, Londres, Berlín, Washington, Moscú... ayuden a que los vecines sean chicos y no grandes; ¡y tovía los hai que piensan que las otras naciones quieren la unidá d’España!
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo