Lo que el alcalde de Oviedo llama cutrez nos llamámoslo cultura
Taba el pasau domingo escuchando el discursu del Alcalde de Oviedo Gabino de Lorenzo en el Teatru Campoamor con motivu de los Premios del XVIII Concurso de Canción Asturiana, cuando non pude evitar indigname al escuchalu decir cuando taba alagando la nuestra cultura que antes era una cutrez y repitió tengo que decilo que era una cutrez el que en les fiestas del pueblu la parexa de gaiteros tocare dando vueltes al prau parriba y pabaxo. Pero, según él, agora ya non ye cutrez, porque agora en los grandes e importantes eventos va una banda de gaites.
Non me lleva el cuerpu non responde-y a tal falta de respetu a la nuestra tradición con eses desagradecíes pallabres. ¿Quién pensará que traxo hasta nós lo quagora escuchamos? ¿Acasu piensa que se fae cultura desde fae dieciocho años y lo otro yera cutrez? ¿Sabrá que les gaites asturianes por excelencia non tenín dos roncones, que los tambores non yeren de metal y que muncha música que escuchamos en dalguna banda non ye popular asturiana, sin dexar de decir que dalguna non y falta más que la falda escocesa? ¿Sabrá que les bandes de gaites surgieron como un modo de vida en el que se tienen muchos alumnos y se venden muches gaites?, lo cual, a mi paezme muy bien, pero paez que ta pensando que siempre les hubo. ¿Sabrá que la nuestra gaita tien un soníu bastante más agudu porque yera un instrumento que se tocaba de una manera individual? ¿Dónde cree que deprendieron los grandes maestros e intérpretes de gaita que hay güei, o dónde salieron toes eses canciones que se recoyeron y que tan cómodamente los xóvenes gaiteros puen deprender a través de una grabación, dun llibru, o de mil sitios onde puen copialo? ¿Gustara-y realmente la cultura popular asturiana al señor alcalde de Oviedo?
Gracies a eses parexes de gaiteros que tocaben nes romeríes podemos conocer tradiciones, dances, melodíes, que non hubiera sío posible si se hubiera dexao sólo pa los grandes escenarios. Los nuestros maestros non tenín onde deprender más que nes romeríes cuando otru más vieyu quellos interpretaba una pieza, un toque. Entos, (según me contaron muchos dellos a los que tuve la suerte de conocer y sièntome muy orgullosa dello, porque pa mi nunca fueron cutres como diz el alcalde de Oviedo, to lo contrario, pa mi fueron verdaderos maestros y tos ellos, porque desde el que meyor interpretaba hasta el que no lo ficiera tan bien fueron los nuestros pilares) pues, según me dixeron ellos, diben a veces expresamente a escuchar la parexa pa deprender alguna vueltuca, toque, redoble o baile y cuando llegaben a casa munches veces ya se yos había olvidao y tenín que esperar a la siguiente romería pa escuchar otra vez esos sones que tantu costaba memorizar. Agora ye más cómodo, si tienes perres claro: vas a un maestru, compres grabaciones, llibros, y ya pues deprender tou aquello que se te ponga en picu.
Depués vino la época de los que entamamos a tocar fae unos 30 años. Ya tuvimos más suerte, podíamos deprender más rápido y con detalles: teníamos onde grabalo. Esos gaiteros que sufrieron pa deprender les sos pieces, diéronnosles enorgullecíos de que non se acabara lo que ellos tanto lucharon, contentos de que nosotros, unos güajes, fuéramos pa tocar los sus sones y asina non caer nel olvidu lo que, con tantu trabayu, acarriaron hasta aquellos díes. Y non teníamos falta perres como agora pa deprendelo, perdín el so tiempo pa que nós lo lleváramos hasta los dís que pudiéramos, pa que de xeneración en xeneración tuviera siempre ahí. Nós deprendímoslo dellos de oyíu tamién, no por partitures como agora, (porque hay quién empondera que como se deprende por partitures, tócase meyor). Pues, los grandes gaiteros de güei que encomencipiaron fae 20 ó 30 años tamién deprendieron de oyíu, pero estos non son consideraos cutres, ¿por qué? ¿Acasu porque agora cobren po les sos clases o porque alguno non quier tocar po les romeríes?
O sea, daquellos probes ficieron mil filigranes pa quagora se lleven la palma los que tan nos grandes escenarios y encima digan daquellos que era una cutrez.
Faigo un llamamiento a los xóvenes gaiteros, que nunca vean la parexa de gaita y tambor o el cantante dun chigre como algo arrañáu, to lo contrario, que se enorgullezcan cuando lo puedan escuchar. Esos gaiteros no son ni más ni menos que los que tan tocando nos grandes escenarios, ye más, esos son los gaiteros que tan interpretando tal como lo recibieron, sin arreglos, sin manipulaciones, porque les raíces tan nel pueblu, por muy cutre que y paezca al Alcalde de Oviedo. Al que y gusten les bandes, que toque, adelante, ye otra faceta más de la música, una innovación y al que y guste tirar po la tradición que nunca se sienta menos que nadie. Tocar bien o tocar mal, ser dignu o indignu non se mide en los grandes escenarios. Yo precisamente na más que puedo, voy a les sidreríes onde la xente te cantando los nuestros cancios y pienso que eso sí debería ser subvencionable: ye algo nuestro, algo que a más, a los turistas llámayos la atención y, personalmente, pienso que enriquez el pueblu.
Non por ello quiero que se piense que soy purista, yo misma interpreté gaita con dotros instrumentos y compuse xunto otros compañeros cancios nuevos: Innovar siempre ta bien, pero nunca despreciando o tachando de cutre la tradición popular.
Eso quusté llama cutrez, señor Alcalde, nos llamámoslo cultura, tradiciones, raíces, y la dignificación quusté diz haber consagrado nos escenarios, ye una mera representación de la cultura de muncho antes de 18 años, más o menos adaptá al gustu o variaciones de ca un. Pero nunca va a tar tan bien representá como velo in situ, nuna romería de prau, en la que la xente baile y cante al son de la gaita y el tambor. Ojalá vuelvan esos tiempos, y volvamos a ver eses parexes de gaiteros rodeaos de xente bailando los bailes típicos nes romeríes y esos cancios del chigre, que onde lo faen, y puedo asegurar que la xente disfrútalo, y sino báxese un día del su palcu y, lamentablemente ya non puedo deci-y que vaya a ver los bailes con gaita y tambor espontáneos porque ya casi non queda deso, pero, entre nuna sidrería onde ten faciendo cancios y verá ónde ta la verdadera cultura popular asturiana.
Belén Arboleya (Gaitera).
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo