Santa María de Llas, Ríu y Tornallás
Los topónimos que más valen alcuéntranse muchas veces en sitios que tán alluendi o con denominación no clara, pero esto no e asina nel nombre que vien agora, que ta mui cerquina de nós y amás vemos bien nelli lo que quier dicir.
Ello que la iglesia de Santa María de Llas, la parroquia con más vecines del conceyu de Cabrales y que tien namás un pueblu, la villa d’Arenas, jállase na oriella del más chicu de los tres ríos que s’axuntan un pocu más abaxu, y entós pienso que Llas pue vinir de la palatalización (corriente n’asturianu) de la pallabra vizcaína “lats” (“arroyo, riachuelo, regalo”, asegún los diccionarios d’Azkue y de Múgica). D’esa voz salieren, pa los lluenguistas Luis Michelena y Alfonso Irigoyen, los nombres de sitios como Lasa, Lasagabaster, Lasao, Lasarte, Lassabaigt, Lassègue, estos dos últimos en Francia (“Apellidos vascos”, San Sebastián, 1997, y “En torno a la toponimia vasca y circumpirenaica”, Deusto, 1986).
Enriba el templu ta el barriu de Ríu, que diz joi el más antigu d’Arenas. Nesti topónimu pasóse d’un modu parllar no indouropéu al romance, d’una lluenga a otra: lats >Llas>rivum (¿ríu?, riín, riega, rieguina, canal) >Ríu, traducción que val muchu pa saber cómo jablaban los antiguos habitantes de Cabrales.
Y de Llas pudió salir el topónimu Tornallás, vega grande y mui nombrada en tierra cabraliega de Cuera onde pastores llaniscos de Porrúa trabayaren y durmieren nas sos cabañas muchos veranos; la raíz sería *t-rn (llanada que jaz vega, como en Tarna, el pueblu de Casu, Ternás una vega d’Inguanzo, y dellos nombres más d’Asturias y Cantabria) + Llas: “la vega de Santa María de Llas”.
Llamóme l’atención que pa escrebir esto miré el pallabreru de vizcaín de Plácido Múgica, y, de los que miré de llatín, unu jézolu elli tamién.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo