El corricorri de Ponga
Esto que nos montes de Ponga jallé ya va años alcordanza d’un baile llamáu “corricorri”, no igual al mui nombráu d’Arenas de Cabrales pero sí paecíu.
De Tolivia, aldea hoi fracasada, era nacíu en 1913 Ramón Frutoso Llamazales Díaz, qu’en avientu de 1993 díxomi tovía cómo era esi corricorri de Ponga.
Asemeyábase al d’Arenas en que vinían a ser más las que bailaban que los que bailaban, nas comparanzas con otros bailes, nos blincos de los hombres, no guapu y cansáu qu’era, en qu’en Arenas l’hombre da muchos semixiros y daque güelta entera sobre unu mesmu, en que las muyeres llevan plantas nas manos y más que nada en qu’el hombre sigui a las mozas y estas a elli. En Tolivia lo eróticu del baile era muchu más claru qu’en Arenas.
Bailábase, según Ramón, en Viboli, Casielles, El Cándanu y Viegu, que son pueblos de Ponga.
Otros hombres y muyeres de Ponga y Amieva que sabían el nombre eran Julia Vidarte María (de La Caviella), Gerardo Díaz Llamazales (de Bores), Mariano y Benina Toribio Rodríguez (Tanda), Teresa Pérez Díaz y Salvador Pérez Cueto (Vallimoru), Manuela Fana Álvarez (Pen, Amieva) y Gabriel Iglesias Domingo (San Inacio; llamó-y “correcorre”).
Hai que dicir tamién que Ramón de la Huerta Posada cita ente los bailes llaniscos “la danza, el pericote o corre-corre, la giraldilla, el fandango, la gallegada, las seguidillas...” (“Elvira y Osbaldo. (Amor. Poesía. Historia). Recuerdos de Asturias”, Madrid, 1882, tercera edición, páxina 168).
Y qu’el novelista Antonio Quintana Menéndez, llaniscu de Puertas de Riegu, escribe que na función del Cristo del Camino (La Portiella, Llanes) “aquí en un corrillo se baila el corre corre, baile indígena de nuestra comarca y desconocido en todo el resto de la provincia” (“Flor del Valle”, Madrid, 1856, páxina 185 del primer volumen).
Y qu’en Cos (Mazcuerras, Cantabria), “el correcorrecorre”, con un hombre y “una mujer o dos mujeres” llamábase asina “porque era un baile deprisa”. y que en Zurea (Tsena), “el corricorri” era un xuegu de rapazos y mozos.
Tou esto saquélo nel llibru “Tradiciones curiosas de Asturias” (Llanes, 1994, páxinas 20 a 28). El casu e que agora sé que Julio de Prado Reyero (Sahelices de Sabero, 1927-Llelón, 2014), na páxina 67 del llibru “Cistierna y sus comarcas” (Cistierna, 1980), citó un baile apaecíu y homónimu que diz se bailaba en sitios que tan mui cerca de los pueblos de Ponga que dixi:
“Recogemos un manojo de leyendas propias de nuestra tierra, que nos han sido legadas por la tradición.
”En las zonas limítrofes con Asturias existía un baile conocido por ‘Corricorri’ heredado sin duda de los celtas, en el que los guerreros y nobles solían escoger sus esposas. Se reunía a las mujeres más hermosas de todas las tribus ataviada con los mejores vestidos. Bailaban para cautivar al caballero y lo rodeaban hasta que lo conseguían. De esta manera el elegido escogía a su futura esposa”.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo