René y la estética
Nel momentu qu’escribo pasaren más de dos selmanes desque falleció l’amigu Reinerio Álvarez Saavedra. A min costóme faceme a la idea porque lu hubiere visto bien animáu les últimes veces. René foi ñomatu pol que tol mundu lu conocía. René, nome agudu y concretu col que quixo llamase la persona del políticu, ciudadanu y esteta. La verdá ye que tuve que revivir l’alcordanza de los nuestros alcuentros y coincidencies.
A primeros d’esti sieglu René figuraba como ún de los militantes del Partíu Popular más enfotáu en disputar a les demás sigles la modernidá necesaria de la política asturiana. L’historial de los munchos cargos que tuvo y de la so xera quiciabes necesita agora ser reconocíu col brillu que merez. Dempués hebo divisiones na drecha asturiana. Y nun digo qu’otros enredaren con eso, pero René prefirió mantenese fiel al espíritu conservador y renovador del so partíu de siempre. Yo nun falaba con René de teoloxía pero dame la impresión de que ser demócrata y cristianu yera pa él afitase con seguranza nuna mayoría abierta a les máximes concordies.
René Álvarez Saavedra yera eruditu en munches materies, dizse. De xuro que sí. Pero también foi orixinal, críticu y divertíu en vídeos y entregues mediátiques. René foi daveres una home mui estéticu, un poco al aldu del artículu aquel de “Clarín”, de 1897, tituláu “Asturias estética”. Diba perhí y entá más. Que nun suene a güeco lo que voi cuntar entós. A finales de setiembre llamóme pa dicime que-y prestaría participar nel Día de les Lletres Asturianes con un poema suyu y mandólu col envís de que yo lu tornara al asturianu. El poema resultó ser llargu, de versos llibres con ritmu internu, de vocabulariu mui trabayáu y perintensu de conteníu social. Titúlase “Transportisas de siluetas cesadas”. Fice la traducción, que-y gustó, y prometí publicar les dos versiones pronto y de forma curiosa. Contestóme per teléfonu, con un mensaxe escritu: “No hay tiempo. Te ayudo en lo que necesites. Aunque haya que hacer tiempo”.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo