L'asturianu y la capitalidá cultural
Vengan actos y actos pa ver si somos a trayer pa Uviéu la capitalidá cultural nel añu 2016. Al paecer, nin el nuestru acalde nin esi «fichaje» estrella que se fizo pa que la otra llingua de nós viérase tamién nel Conceyu piensen que l’asturianu tien dalgo que ver cola cultura, pues nun me suena de ver nengún actu cartafueyu, información, anuncia o lo que seya faláu o escritu nesta llingua. ¿Qué ye, que l’asturianu nun ye una espresión de la cultura asturiana (y uvieina) como lo son la gaita, el prerrománicu, la Catedral, los horros, les obres de los nuestros pintores ya escritores, la gastronomiía, etcétera, etcétera? ¿No saben el serñor Alcalde y el Conceyal de ¿cultura?, esi gran «fichaje», quien yera Xuan María Acebal y ónde escribió y en qué llingua lo fizo?
Al señor conceyal, dende que lo ye, alcuéntrolu de xemes en cuando pela cai y xinté don elli dalguna vegada nos aconceyamientos del «Tabularium artis asturiensis»; siempre y faigo la mesma entruga ¿y l’asturianu nel conceyu, pa cuándo? La contestación ye, tamién, siempre la mesma: Menos faen los otros. Y quédase tan contentu. Duldo que «los otros» faigan menos; faen lo mesmo:nada. (Sicsí, tien un poco de razón. El PP nun caltién recursos énte los Tribunales pa torgar dafechzmente l’usu l’asturianu n’Alministración. Anque al final, nun facer nada o ponese escontra da’l mesmu resultáu: la llingua nin se ve dientro de la mayoría de les alministraciones públiques asturianes).
P’acabar, y dexando a un llau al conceyal de ¿cultura?, señor Alcalde, eche dalgún discursión n’asturianu con motivu de la capitalidá cltural, ande facer cartafueyos y anuncies tamién n’asturianu, amuese a los pueblos d’Europa qu’equí, n’Asturies, fálase otra llingua amás del castellanu. Vamos ser muchos los que-y lo agradezamos.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo