IATYS Fundación Vinjoy
El 14 de xinero del 2014 diéronnos la noticia más dura que podíen danos, con cuatro meses Colás tenía hipoacusia bilateral profunda. Pasamos de tener un nenu hermosu a tener un nenu hermosu y sordu. Col tiempu aprendimos a acompañar a Colás nel silenciu y a entender que nun tien que doler o polo menos nun doler tanto. Que por suerte la investigación nos ayuda a facilitar la vida al nuestru pequeñu y que la felicidá tien munches cares y Colás va descubriéndoles toes.
Nesti camín hai munches persones que son protagonistes por ser profesionales y especialistes inigualables, pero sobre too pola calidá humana, por esa mano siempre preparada p'agarranos cuando'l silenciu ganaba a la palabra, por esa mirada cómplice cuando la cara de Colás nos decía que'l soníu llegaba, y vaya si llegó...
Seis años de sesiones, de trabayu y esfuerzu d'un nenu del que con amor y dedicación conseguistis sacar lo meyor d'él. Nun hai palabres que puedan expresar lo que significáis pa esta familia. Llegamos al IATYS con una saca pesada, cargada de mieos, silencios y dolor y salimos con una enllena de palabres, rises y apoyu.
L'equipu que formáis col serviciu d'hipoacusia del HUCA funciona, y el resultáu son estos nenos charranes y despiertos que van comese'l mundu, eso seguro....
Parte de la felicidá d'esta familia sois vosotres. Maite, Carmen, Lucía, María, María Cortizo, gracies por la dedicación y el compromisu, gracies por ser un apoyu emocional básicu nesti camín. Gracies tamién Alicia, la primera persona que nos recibió y que nos dixo: "Llorái hoi, pero mañana empezamos a trabayar", y asina siguimos, trabayando.
Toca dexar l'atención temprana, toca llegar a metes nueves y a vivir la normalidá que Colás consiguió con toes vosotres.
La Fundación Vinjoy ye una institución básica nel desarrollu de los nenos con déficit auditivu, pero ye muncho más. Gracies a toles persones que facéis que los problemes tomen dimensiones diferentes y que la vida sea más fácil col vuestru trabayu.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo