El primer pedióricu n'asturianu
Ello que "La Montera, periódico jocoso en asturiano", joi un semanariu dirixíu en L'Habana por Perfecto Fernández Usatorre (Uviéu, 1847 - 1911), que solía firmar Nolón. Era el suplementu d'otra publicación que-y llamaban "Ecos de Covadonga" y salió paez qu'en 1883 y 1884. "La Montera" e, según lo que sabemos, el primer pedióricu escritu n'asturianu, pero no se caltenía dengún exemplar.
Pero agora sí, agora apaeció un orixinal en Llanes, el númeru 10 del segundu añu del pedióricu, y entós ya conocemos que Perfecto pudió sacar unos cuantos números d'elli y tenemos una idea de cómo era.
Esti exemplar jalláu, diz una vez más qu'el rasgu más nombráu de la lluenga asturiana, la /h/ (escrita hoy j o h., y llamada je polos antiguos), sintíase muchu per Asturias arriba delantre las vocales u y o, pos Fernández, qu'era d'Uviéu, escrebía n'asturianu del mediu pero con pallabras como jueron (= fueron). Esti modu escrebir esa variante del asturianu era corriente nel siglu XIX y tovía nel XXI dan razón d'ella los vieyos que viven en conceyos de la Tierrina que tán mui al poniente como Las Regueras, Llanera, La Ribera o Mieres.
Esi númeru diez son cuatro páxinas: na primera apaecen "Aviso importante" (en castellanu, sobre cobros) y "Cuentu -arigudu". Na segunda, dos versos: "Cantares" y "Charada" (dedicada "a mi amigo el acostumbrado joven D. Constantino Inclán"), escrita por "Amapola", casi tou en castellanu; tamién emprecipia "En las funciones de San Mateo - Poesía en dialecto asturiano".
Na páxina 3 sigui lo de San Mateo, a lo últimu la páxina lleemos "Continuará" y dempués: "Imprenta del Ejército, Rayo 34". La páxina 4 ta toa ella con tres anuncios, de Conteu, Trieu y Remeneu, N. E. Maceo (fotógrafu de cámara de la Real Casa) y Restaurant "El Casino".
Bibliografía:
"Fernández Usatorre, "Nolón", Poesía y Teatru". Academia de la Llingua Asturiana, Uviéu, 1997, entamu de Xurde Blanco.
G. Cea, Emilio: "Llanes, páginas de historia en la buhardilla", La Nueva España, Sección del Oriente, 27 de xunu de 2015, páxina 12.
Ramos Corrada, Miguel (coordinador): "Historia de la lliteratura asturiana", Uviéu, 2002.
Sordo Sotres, Ramón: "Informe sucinto sobre el semanario "La Montera"", Llanes, 2014.
Uría (coordinador), Jorge: "Historia de la prensa en Asturias. I. Nace el cuarto poder. La prensa en Asturias hasta la Primera Guerra Mundial", Oviedo, 2004.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo