Castañas y magostales
Ello que nel conceyu Llanes era corriente comer castañas asina:
1) Asadas colos sos dos peleyos dempués de mozcalas, qu'e quitar con un cuchillu un cachín de la cáscara a cada castaña pa que cuando s'asen no arrevienten por mor del juebu.
2) Cocias n'agua dempués de pulga-yos el peleyu duru; estas comíanse con llechi una vez quitáu l'otru peleyu, el de dientro, qu'e más delgáu; al cocelas echábase-yos un poquitín de sal y unos anises.
3) Las mayucas -llamadas asina porque allegan arrugadinas pero sanas jasta el mes de mayu- cómense cuando tán bien curtías y secas porque se caltuvieren, sin peleyu, na zarda o nun cestu; puen comese crudas o tamién guisadas como si joran jabas.
4) Las corvatas cómense cocías y sin pulgar.
5) El tambor e un recipiente cilíndricu de jierru, cerráu pero con muchos juracos; dientro d'elli, y dando muchas güeltas, ásanse castañas, a lo que llaman tamborilar.
6) Cuando s'axuntaba una cuadrilla de xente pa magostar, eso era un magüestu, una magostada, un magostal, un magustal o un magostu. Magostar (o magustar) e lo qu'agora vo dicir:
Diban a castañas y cuando axuntaban un porción curiosu d'ellas magostábanlas (o séase, asábanlas) con una carga de jelechos secos prendíos y poníos enriba las castañas, que taban en suelu; si la primer carga de jelechu no las tostaba bien, entós regolvíase tou un pocu con un palu y poníase más jelechu. Podían ponese tamién palos, rama y jelechu per riba y dempués regolvíase.
Nos magüestos bebíase sidre colas castañas.
Magostar lláman-y tamién a asar otru alimentu, a tostar -un suponer, palos, como las varetas d'ablanu-, a cabar lluego un llabor o a gastase un dineru en pocu tiempu: "heredaren muchu pero ya lo magostaren".
Nel pueblu llaniscu de Vidiao (o Vidiago) diz que dempués d'un magüestu o magostal "dejaban pinchada en un palo una castaña pa la zurra", porque si no esta diba pa casa y desjacía la cama.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo