Reflexones d'una profesora d'asturianu
Pa entamar esti cenciellu artículu voi sofitame na mio esperiencia como profesora de Llingua y Lliteratura Asturiana.
Hai tiempu yá que voi echando muncho en falta un respetu mayor pola nuesa llingua. Nun hai más que mirar un poquiñín p'atrás pa dase cuenta del despreciu tan grande de la Conseyería d'Educación cuando de sópitu y por decretu decidió quitar nel 2015 de les cuatro hores a la selmana coles que contábemos en bachilleratu, tres, quedando reducía la carga llectiva d'esta asinatura a una miseria d'una hora. Esti fechu ye de lo más humillante y demuestra l'escasu interés y la falta d'empatía pola parte de les Instituciones haza la tresmisión y difusión de la nuesa llingua y cultura, patrimoniu de tolos asturianos y asturianes.
La rexón que nun cuida lo propio, lo de nós, ta condergada a ser pasu ente pasu namái qu'un residuu.
Otru exemplu: el desinterés qu'hai nestos gobernantes conlleva, per otru llau, la falta de medios materiales ( llibros, recursos autodidáuticos suficientes ) nos Centros y fasta nes propies llibreríes. Cada vegada hai menos editoriales de llibros n'asturianu, poro les poques que sobreveviven tienen que facelo coles sos propies perres. Alcontrándose asina l'alumnáu con problemas p'alquirilos.
Queden munches coses que meyorar y a la mio testa ferida solo lleguen marmullos de vanes intenciones. La realidá ye otra más dura y diferente a lo que nos cuenten. Hai una demanda na sociedá que pide qu'esto cambie. Pero les Alministraciones siguen sordes a los deseos d'oficilidá d'una gran mayoría d'asturianos-es.
Tan cegaratos, nun ven el gran respaldu qu'ello supondría. Sedría de gran ayuda pa que la nuesa sociedá aprovechara la bayura cultutural del asturianu que tantos años va reclamando y qu'abondo tien merecío.
María del Carmen Fernández González,
profesora deceicionada d'institutu de Llingua y Lliteratura Asturiana
Las Vegas (Corvera)
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo