¿Existe Asturies?
José Ramón Pérez Bances formulaba esta entruga va casique un sieglu y seique podríemos siguir plantegándola anguaño, porque ¿existe de verdá esta tierra? Dicía aquel home que "la rempuesta afirmativa sedría perfácil. Bastaría que sonase a lo lloñe na mata una gaita y con que s'alzare un horru arrodiáu de los sos colgaxos mariellos", pero nin una gaita nin un horru faen un pueblu. Un pueblu, afirmaba Pérez Bances, ye un espíritu, una identidá, una voluntá de ser en común, y ¿aú ta l'espíritu asturianu?
Somorguiaos como tamos nun mar d'apatía xeneral, los asturianos dexamos que la nuesa tierra muerra escaecida; muerte duce y sele ye la nuesa, pero muerte. Sufrimos humildación tres humildación y nun facemos nada: la cuota llechera, la descarbonización forciada ensin alternativa, la incoherente política d'infraestructures, el vaciamientu de los nuesos pueblos, la perda de la nuesa cultura... ¿Aú ta l'espíritu asturianu? ¿Ye acaso que nun mos importa qu'Asturies desapaeza? ¿Nun mos importa que los nuesos familiares y collacios tean de colar, que nun se puea vivir equí, que desapaezan comíos polos artos los pueblos nos que deprendimos a caminar, a falar?
Dicía Castelao que ser galeguista nun ye otra cosa que ser amante de Galicia, y yo afirmo que ser asturianista ye amar Asturies. Nun somos más que naide, pero tampoco nun somos menos. ¿Por qué nun podemos lluchar pol nuesu futuru, pola nuesa prosperidá? ¿Tan grande ye esi pecáu?
Creo que naide nun inora que les grandes calamidaes que mos acosen, los ruinosos y lleoninos negocios que mos impunxeron ya imponen, son consecuencia direuta de qu'Asturies nun importa, y nun importa porque nun facemos qu'importe. El día que mos reivindiquemos como pueblu, el día qu'algamemos la nuesa voz, esi día Asturies tendrá futuru; el día qu'Asturies seya nación.
Nun toi falando de la tan temida independencia total, que llibertá nun sinifica aislamientu nin autarquía, toi falando de respetu, de soberanía, d'autoafirmación. Toi falando d'esconsoñar y mirar a la cara a los otros pueblos como iguales, de reivindicar el nuesu espaciu y los drechos que mos pertenecen. Toi falando d'amor propiu, d'evitar más atropellos. Toi falando de ser nación.
Debe rellenar todos los datos obligatorios solicitados en el formulario. Las cartas deberán tener una extensión equivalente a un folio a doble espacio y podrán ser publicadas tanto en la edición impresa como en la digital.
Las cartas a esta sección deberán remitirse mecanografiadas, con una extensión aconsejada de un folio a doble espacio y acompañadas de nombre y apellidos, dirección, fotocopia del DNI y número de teléfono de la persona o personas que la firman a la siguiente dirección:
Calvo Sotelo, 7, 33007 Oviedo